Janý problemalary ınstıtýtynyń ǵalymdary QR BǴM «Ǵylym Qory» AQ qoldaýymen bıologıalyq úılesimdi kálsı gıdroksıapatıtin qurý boıynsha zamanaýı medısınada keńinen qoldanylatyn ınovasıalyq tehnologıany ázirledi, dep habarlaıdy almaty-akshamy.kz QR BǴM baspasóz qyzmetine silteme jasap.
Buryn-sońdy Qazaqstanda bul ónim óndirilmeı, shetelden ákelingen bolatyn. Endi ǵalymdardyń bul jańalyǵy kórsetiletin medısınalyq qyzmetterdiń qunyn tómendetýge múmkindik beredi. Óıtkeni atalǵan ónim geografıasy boıynsha da, qarjylyq jaǵynan da qoljetimdi bolady.
«Otandyq ónim qazirgi zamanǵy hırýrgıalyq stomatologıada jáne jaq-bet hırýrgıasynda, kosmetologıada joǵalǵan kólemdi qalpyna keltirý úshin toltyrǵysh retinde qoldanylatyn bolady. Inovasıa farmakologıada jáne metal ımplantattaryna jabyn retinde qoldanylady. Tehnologıanyń biregeıligi — medısınada talap etiletin kálsı gıdroksıapatıtin biz bıologıalyq qaldyqtardy óńdeý nátıjesinde alamyz», — dep atap ótti QR BǴM Ǵylym komıteti Janý problemalary ınstıtýtynyń jetekshi ǵylymı qyzmetkeri Shyńǵys Daýylbaev.
Endi ǵalymdar otandyq stomatologıalyq naryqtyń qajettilikteri úshin ónerkásiptik úlgilerdi óndirýdi josparlap otyr. Jobanyń praktıkalyq jáne komersıalyq maqsatta mańyzdylyǵy zor.
«Bıologıalyq qaldyq materıaldy paıdalaný sheteldik analogtarmen salystyrǵanda stomatologıalyq qyzmetterdiń ózindik qunyn aıtarlyqtaı tómendetýge múmkindik beredi. Mysaly, bizdiń materıal negizinde arnaıy plenkalar shyǵarylady. Bul plenkalar dári-dármektermen baıytylady. Osylaısha, bul tis aýrýy nemese qabyný ornyn dári-dármekpen qamtýdyń ońaı ádisi bolady. Bıosáıkestik áseri bolǵandyqtan, adam aǵzasy bul materıaldy jeńil qabyldaıdy», — dedi ǵalym Shyńǵys Daýylbaev.