Memleket basshysy Qasym-Jomart Toqaevtyń Almaty qalasy jurtshylyǵymen kezdesýi ótip jatyr, dep habarlaıdy Almaty-akshamy.kz.
«Taǵy bir óte mańyzdy sala – mádenıet. Almaty Qazaqstannyń mádenı astanasy sanalady. Munda teatrlar, mýzeıler, kitaphanalar kóp. Almaty Fest, The Spirit of Tengri sıaqty aýqymdy mádenı is-sharalar jıi ótedi. Biraq, taǵy da sol másele, negizgi mádenıet oshaqtary qalanyń «tarıhı ortalyǵynda» shoǵyrlanǵan.
Ákimdik qalanyń jańa aýdandarynda zamanaýı mádenı orta qalyptastyrýy kerek. Týrıserdi kóptep tartýǵa mádenıet salasynyń áleýeti jetedi. Mysaly, jaqynda Almatyda Dımashtyń konserti ótkenin jaqsy bilesizder. Oǵan 65 elden 13 myń týrıs keldi. Mádenı is-sharalar qalanyń rýhanı ómirin baıytýǵa, shyǵarmashylyq áleýetin arttyrýǵa tıis.
Sondyqtan, ozyq halyqaralyq tájirıbeni únemi zerttep, ony, ásirese, mádenı týrızm salasyna engizý qajet. Jalpy, halyq turmysynyń túzelýi, mádenıet oshaqtarynyń artýy jáne basqa faktorlar qala turǵyndarynyń mádenı mentalıtetin qalyptastyrady. Bul – damýdyń mańyzdy kórsetkishi».