Memleket basshysy Saýd Arabıasy Koróldigi konsýltatıvtik keńesiniń tóraǵasyn qabyldady
Qasym-Jomart Toqaev Saýd Arabıasy Koróldigi konsýltatıvtik keńesiniń tóraǵasy Abdalla Ál ash-SHeıhti qabyldady.
Qazaqstan Prezıdenti Saýd Arabıasyn ıslam álemindegi senimdi seriktes ári Qazaqstannyń Táýelsizdigin tanyǵan alǵashqy arab memleketteriniń biri ekenin atap ótti.
«Saýd basshylyǵymen árdaıym baılanystamyz. Tamyzda Taq murageri Muhammed ben Salman Ál Saýdmen telefon arqyly áńgimelesken kezde birqatar ýaǵdalastyqtarǵa qol jetkizildi. Al qyrkúıek aıynda Investısıa mınıstri Halıd ál-Falıhpen kezdestim. Bul baılanystar eki el arasyndaǵy yntymaqtastyqqa serpin beredi dep esepteımin», – dedi Memleket basshysy.
Kezdesýde ekijaqty saýda-ekonomıkalyq qarym-qatynastar talqylandy. Qasym-Jomart Toqaev saýd kompanıalarynyń álemdik naryqtaǵy múmkindikteri men tájirıbesin eskere otyryp, Qazaqstandaǵy jobalarǵa belsendi qatysýǵa shaqyrdy.
Saýd Arabıasy Koróldigi konsýltatıvtik keńesiniń tóraǵasy Abdalla Ál ash-SHeıh qabyldaǵany úshin Qazaqstan Prezıdentine alǵys aıtyp, elimizdegi saparynyń tabysty ótip jatqanyn aıtty.
«Men baýyrlas, dostas Qazaqstanǵa kelgenime qýanyshtymyn. Biz parlamenttik deńgeıde birqatar jemisti kezdesý ótkizdik. Mundaı júzdesýler elderimizdi jaqyndastyra túsedi. Memleketterimizdiń basshylary deńgeıinde qabyldanǵan sheshimderdi júzege asyrýda osyndaı saparlardyń máni zor dep esepteımin», – dedi Saýd Arabıasy Koróldigi konsýltatıvtik keńesiniń tóraǵasy.
Sonymen qatar eki el arasyndaǵy taýar aınalymyn arttyrý máseleleri talqylandy.
Kezdesý sońynda Qasym-Jomart Toqaev Abdalla Ál ash-SHeıhti İİ dárejeli «Dostyq» ordenimen marapattady.