Serýendeý aımaǵynda kedergisiz orta jasaldy.
Almatyda ótken ǵasyrdyń 70-shi jyldary salynǵan Ábilhan Qasteev atyndaǵy murajaıdyń aldyndaǵy skver men sýburqaq alǵash ret restavrasıalandy, dep habarlaıdy Almaty-akshamy.kz.
Megapolıs ákimi Baqytjan Saǵyntaev murajaıdyń irgeles aýmaǵyndaǵy abattandyrý jumysyn kórip qaıtty. Bul – ár túrli jastaǵy qala turǵyndarynyń súıikti mekenine aınalary sózsiz,
Jóndeý jumysy tarıhı qalyptasqan landshafty kógaldandyrý jobasyna jańa tásilderdi engizý arqyly zamanaýı rekreasıalyq aımaqpen tolyqtyryldy. Serýendeý aımaǵynda kedergisiz orta jasaldy. Sýburqaqtyń sorǵy júıesiniń jumys prınsıpi sarqyramamen aýystyrylyp, túngi ýaqytta bul aýmaq jaryq bolýy úshin jaryq júıesi júrgizildi. Jalpy murajaıǵa irgeles búkil aýmaq ózgerdi.
Búginde bul jerde zamanaýı alańy men demalys aımaǵy bar, shaǵyn sáýlettik formalar men oryndyqtar qoıyldy. 2,5 myń sharshy metr aýmaq abattandyrylyp, skverde zamanaýı jaryq júıesi ornatyldy, ıaǵnı 15 projektor qoıyldy.
Abattandyrý nátıjesinde skverler men jaıaý júrginshiler aımaqǵy jańa tynys alyp, qala turǵyndarynyń súıikti jerine aınalýda. Bul, sonyń ishinde, qalanyń mádenıet nysanyna kelýdi arttyrýǵa yqpal etetin bolady.
Almaty qalasy máslıhatynyń depýtaty, ekologıa máseleleri jónindegi turaqty komısıanyń múshesi Altynaı Kóbeeva kórkeıtýdiń jańa nysandaryn ashý árqashan jaǵymdy dep sanaıdy.
«Bizder, ıaǵnı almatylyqtar qala kúninde keremet syılyqqa ıe boldyq. Aýqymdy abattandyrýdan keıin murajaı aýmaǵy ózgerip, jańa kelbetke ıe boldy. Jasyl jelekke oranǵan bul jerde ýaqytymyzdy jaıly ótkizýge bolady dep oılaımyn», - dedi A. Kóbeeva.
Eske salsaq, Á. Qasteev atyndaǵy QR Memlekettik óner murajaıy elimizdiń eń iri kórkemsýret murajaıy ári beıneleý óneri salasyndaǵy jetekshi ǵylymı-zertteý men mádenı-aǵartý ortalyǵy.