Qalaǵa qatysty barlyq nárse men úshin qymbat jáne jaqyn.
Almatyda búgin atalyp jatqan Qala kúninde túrli sala mamandary óz tilekterin arnaýda. Mýzykatanýshy Iýrıı Aravın de quttyqtaýyn jetkizdi, dep habarlaıdy Almaty-akshamy.kz.
Ol óziniń búkil ómiri Almatymen baılanysty ekenin aıtty.
«Meniń búkil ómirim Almatymen baılanysty. Bizdiń qalaǵa qatysty barlyq nárse men úshin qymbat jáne jaqyn desem bolady. Men «Almaty qalasynyń Qurmetti azamaty» sıaqty bedeldi marapatqa usynylǵanyma qýanyshtymyn. Almaty - elimizdiń eń ádemi qalasy, men osynda qurmetti adammyn, ol men úshin qymbat. Meniń kúsh-jigerimdi jáne qalamyzdyń damýyna qosqan úlesimdi baǵalaǵan barlyq adamdarǵa alǵysymdy aıtamyn», - dedi Iý.Aravın.
Mýzykatanýshy qalanyń keńeıýin jáne jyldan jylǵa ómir jaqsarýda ekenin aıtyp ótti.
«Men úshin Almaty tek qala ortalyǵymen ǵana shektelmeıdi, megapolıs keńeıýde jáne bul keremet dúnıe. Halyq sany ósýde, jańa shaǵyn aýdandar qurylýda, jyldan jylǵa ómir jaqsarýda. Almaty - bizdiń taýlarymyz, onda men ómirimniń jartysyn ótkizdim. Taý shyńdary men asýlarmen tanys adamdar túsinedi. Barlyq almatylyqtardy, qymbatty otandastarymdy, qala kúnimen quttyqtaı otyryp, densaýlyq jáne odan ári órkendeý tileımin!», - dedi profesor.