Qazaqstanda qasqyr ańshylyq túrleriniń tizimine engen.
Qasqyrlar malǵa shabýyl jasaǵan jaǵdaıda ańshylyq maýsymynan tys ýaqytta da sanyn retteý múmkindigi saqtalady, dep habarlaıdy Almaty-akshamy.kz Zakon.kz-ke silteme jasap.
Qazaqstan Respýblıkasy Ekologıa jáne tabıǵı resýrstar mınıstriniń 2022 jylǵy 28 jeltoqsandaǵy buıryǵymen qasqyr ań aýlaý obektileri bolyp tabylatyn baǵaly janýarlar túrleriniń tizimine engizilgen. Bul rette qasqyrlar malǵa shabýyl jasaǵan jaǵdaıda ańshylyq maýsymynan tys ýaqytta da sanyn retteý múmkindigi saqtalady. Qazaqstannyń bıoártúrlilikti saqtaý qaýymdastyǵy munyń nelikten óte mańyzdy ekenin túsindirdi.
«Buryn qasqyr tek sany retteýge jatatyn túrler tiziminde bolǵan. Bul jyl boıy qasqyrlardy baqylaýsyz derlik aýlaýǵa múmkindik berdi. Bul tásil halyqqa aıtarlyqtaı zıan keltirdi», delingen Qazaqstannyń bıoártúrlilikti saqtaý qaýymdastyǵy taratqan aqparatta.
Birlestikte atap ótilgendeı, birqatar aýdandarda qasqyr is júzinde joıylyp, Soltústik Qazaqstan oblysynda múlde kezdespedi. Munyń sebebi 2000 jyldardaǵy jabaıy ańdar sanynyń apatty azaıýy bolsa kerek.
Qaýymdastyq iri jyrtqyshtardyń popýlásıasyn ońtaıly sanǵa deıin azaıtý árqashan ekojúıedegi jaǵymsyz ózgeristerge ákeletinin aıtty.
2022 jyldyń qańtarynda ekologıalyq belsendi Sáken Dildahmet QR Ekologıa, geologıa jáne tabıǵı resýrstar mınıstrliginiń málimetterine silteme jasap, Qazaqstanda qasqyrlardyń joıylý aldynda turǵanyn habarlady. Ol 2021 jyly Qazaqstan aýmaǵynda qasqyrlardyń sany shamamen 14 408 darany qurasa, 2019 jyly 12 812 jyrtqysh bolǵanyn atap ótti.