200-den asa úıi bar tórt kósheniń turǵyndary tyǵyryqqa tireldi
Almaty oblysy Qarasaı aýdanynyń ákimi Jasulan Estenov turǵyndarǵa Qaskeleńdegi kóshelerdiń jaǵdaıyn Prezıdenttiń ózi nazarda ustap otyrǵanyn jetkizdi, dep habarlaıdy Almaty-akshamy.kz 24.kz-ke silteme jasap.
Búgin Qarasaı aýdanynyń ákimi Jasulan Estenov turǵyndarmen kezdesip, máseleniń sheshiletinin, bul jaǵdaıdy Prezıdenttiń ózi nazarda ustap otyrǵanyn jetkizdi. Aýdan ákiminiń kezdesýin turǵyndar vıdeoǵa túsirip, bizdiń arnaǵa jiberdi. Olardyń aıtýynsha, másele 2017 jyly qalanyń bas jospary ózgergen soń týyndaǵan. Sonyń saldarynan 200-den asa úıi bar tórt kósheniń turǵyndary tyǵyryqqa tirelgen. Al ortalyqqa shyǵar jol jańa bas jospar boıynsha kásipkerlerge ótip ketken.
«Prezıdent óziniń nazarynda ustap otyr, biledi sizderdiń problemalaryńyzdy. Myna ıelerimen myna siz aıtqan bıznesmen kisi bar osylaı sheshemiz. Qazir endi sizder talap qoıyp otyrsyzdar kósheni bylaı qaraı shyǵarý kerek dep. Sol úshin sony biz oryndaımyz. Mynaý jerdi jekemenshik eken, muny da shaqyryp ıesimen sóılesemiz. Qazir mynaý bar kósheni rettep, asfáltyn salyp, solbylardyń bylaı kirip ketkenderin túzetip qoıýymyz kerek. Bul jerde eń bastysy, jerdiń máselesin sheship alsaq, ári qaraı biz bárin atqaramyz ǵoı. Qarajat bólinedi, jobasyn jasaımyz. Asfáltyn salaıyq, svetin salaıyq, elektr energıasyn jańalaıyq», – dedi Qarasaı aýdanynyń ákimi Jasulan Estenov.