Halyqtyń 85 paıyzy bir ret bolsa da onlaın shaǵyn nesıe alǵan. Negizi bul kúletin jaǵdaı emes. Demek, halyq qaryzǵa ómir súredi. Osy kúni onlaın kredıt alý ońaı, al qaıtarý qıyn. Sondyqtan bılik «qarjy uıymdary ekonomıkany emes, tutynýshylardy nesıeleýge moıyn buryp ketti» dep aıyptaýda, dep habarlaıdy almaty-akshamy.kz.
«Qazaqstan FınTeh qaýymdastyǵy» zańdy tulǵalar birlestigi qazaqstandyqtar arasynda onlaın mıkrokredıtterdiń mańyzy týraly saýalnama (onlaın) júrgizgen.
Saýalnamaǵa 472 respondent qatysty. Nátıjesinde qazaqstandyqtardyń basym kópshiligi kem degende bir ret onlaın shaǵyn nesıe alǵany (85%) belgili boldy. Otandastarymyzdyń úshten bir bóliginiń túgelge jýyǵy onlaın shaǵyn nesıege (31%) júginedi. Jaýap bergenderdiń 39%-y jeke turmystyq qajettiligin onlaın shaǵyn nesıe arqyly sheshetinin jazǵan: ıaǵnı, alǵan qaryzdy taýar satyp alýǵa, komýnaldyq qyzmetterdi tóleýge, jedel medısınalyq qyzmet kórsetýge, jalǵa alý nemese úı jóndeýge jumsaıdy. Sonymen qatar, qazaqstandyq FınTeh qaýymdastyǵynyń málimetteri boıynsha, onlaın-mıkronesıe tutynýshylarynyń 50%-y ózin-ózi jumyspen qamtyǵan Qazaqstan azamattary. El ekonomıkasynyń túrli salalarynda 9,1 mln adam jumyspen qamtylǵan. Onyń ishinde 6,9 mln adam jaldamaly jumysqa tartylǵandar (ekonomıkadaǵy jumyspen qamtylǵandardyń jalpy sanynyń 76%-y). 2,2 mln adam ózin-ózi jumyspen qamtyǵandar (jalpy sanynyń 24%-y).