Esirtki qylmysymen kúresýshiler Almaty qalasynda esirtki zattaryn taratý jáne betbelgi qoıýmen aınalysqan buryn sottalǵan K.esimdi azamatty ustady, dep habarlaıdy Almaty-akshamy.kz.
Polisia.kz málimetinshe, er adam shópti Aqsaı yqshamaýdanyndaǵy páterinde qaptaǵan.
«Odan ári sıntetıkalyq esirtkiniń kóterme partıasyn K.esimdi azamat Jetisý óńirinen kelgen juptyń “jetekshiligimen” jumys isteıtin esirtki zerthanasyn alyp júrdi. Zerthana Almaty oblysy Jambyl aýdanynda boldy. Úıdi jáne konteınerdi tintý kezinde ártúrli suıyqtyqtary bar 80-nen astam kanıstr, suıyq qospaǵa arnalǵan reaktor men keptirgish, shyny kolbalar, elektrondy tarazylar, daıyn zattardy keptirýge arnalǵan jylytqyshtar, kesekteri bar 55 kelige jýyq sarǵysh tústi untaqty zat tabyldy jáne tárkilendi. “Laboranttardyń” aıtýynsha, olardy biz sol kúni aq ustaǵan eki jas jigit jumysqa alǵan. Másele 21 jastaǵy T.esimdi azamat pen 20 jastaǵy K. esimdi azamat jaıynda bolyp otyr. Bul qylmystyq tizbekke qatysýshylardyń barlyǵy qamaýǵa alyndy», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.