Ol áskerler barynsha tıimdi paıdalaný úshin qajetti ıntegrasıalanǵan aqparatty jedel jınaýdy, óńdeýdi jáne berýdi qamtamasyz etedi.
Qazaqstannyń Qarýly Kúshterinde resýrstardy basqarýdyń avtomattandyrylǵan júıesi engizilip jatyr, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Bul – jumyldyrý, materıaldyq-tehnıkalyq jáne kadr resýrstaryn esepke alý úderisin avtomattandyrýǵa baǵyttalǵan aqparattyq júıeler.
Atalǵan júıe Qorǵanys mınıstrligi, Qurlyq áskerleri, Áýe qorǵanys kúshteri, Áskerı-teńiz kúshteri, óńirlik qolbasshylyqtar men basqa da basqarý býyndarynyń qurylymdyq bólimshelerinde ázirlenip, iske qosyldy.
Ol áskerlerdi barynsha tıimdi paıdalaný úshin qajetti ıntegrasıalanǵan aqparatty jedel jınaýdy, óńdeýdi jáne berýdi qamtamasyz etedi. Atap aıtsaq, barlyq úles túrlerimen jabdyqtaý, tehnıkamen jáne kadrmen qamtamasyz etý, resýrstardy aýystyrý týraly málimetter.
Avtomattandyrylǵan júıe azamattyq salada qoldanylatyn uqsas standartty baǵdarlamalyq platformalarǵa negizdelgen. Onda derekterdiń almasýyna arnalǵan biryńǵaı aqparat qaýipsizdiginiń ortasy bar. Buny engizý qarjy-ekonomıkalyq jaǵynan da tıimdi.
Osy júıeni qoldanýdyń arqasynda basshylyq quram aǵymdaǵy jaǵdaıǵa súıene otyryp, kúshter men quraldardy paıdalanýda anaǵurlym ońtaıly sheshimderdi shuǵyl qabyldaı alady. Resýrstardy basqarýdy avtomattandyrý shtabtar men áskerlerdiń qoıylǵan mindetterdi oryndaýǵa udaıy ázirligin qamtamasyz etýge jáne olardyń áleýetin barynsha paıdalanýǵa baǵyttalǵan.