Tez qartaımaý úshin aǵzadaǵy suıyqtyq mólsherine mán berińiz!
Suıyqtyqty az tutyný aǵzadaǵy natrıı mólsheriniń kóbeıýine ákeledi. Al bul proses adam aǵzasynyń qartaıýyn jyldamdatady.
Bul zertteýdi amerıkalyq ǵalymdar júrgizgen, dep habarlaıdy Almaty-akshamy.kz Ren-tv saıtyna silteme jasap.
Mamandar orta jáne egde jastaǵy 11 myń adamnyń qatysýymen zertteý júrgizgen. Olar 15 parametrdi negizge alyp, arterıalyq qan qysymy, qandaǵy holesterın, qant mólsheri jáne t.b. boıynsha zertteýge qatysýshylardyń bıologıalyq jastaryn anyqtaǵan.
Aǵzadaǵy natrıı mólsheri 142 mmol/l-den asqanda, sozylmaly aýrýlardyń damý qaýpi 39%-ǵa artatyny anyqtaldy. Al 144 mmol/l kórsetkishinde erte ólim qaýpi ádettegi mánderden 21%-ǵa asyp ketken.
Sonymen birge, ǵalymdar basqa zertteýshilerdiń jarıalanymdaryn zertteı otyryp, aǵzada natrıı mólsheriniń artýy suıyqtyq mólsheriniń jetkiliksiz bolýymen baılanysty ekenin rastady. Odan bólek, buǵan deıin anyqtalǵandaı, sol sebepten de aǵzadaǵy qartaıý jáne degeneratıvti prosester jyldamdaıtyny anyqtaldy, bul óz kezeginde ómir súrý uzaqtyǵyn qysqartady.
Buǵan deıin AQSH zertteýshileri kúnine 6 myń qadam jaıaý júretin qart adamdardyń ınfarkt men ınsýltti qosa alǵanda, júrek-qan tamyrlary aýrýlarynan eki ese azyraq zardap shegetinin anyqtaǵan bolatyn