Alaıaqtar jalǵan kýálikter jáne QMA logotıpteri bar ózge de qujattardyń fotosýretterin paıdalanady.
Qarjylyq monıtorıńi agenttigi qaskúnemder ózderin Agenttik qyzmetkerleri retinde tanystyryp, azamattarǵa qońyraý shalý arqyly alaıaqtyq faktileriniń jıilep ketken jaıly eskertti, dep habarlaıdy aqshamnews.kz
Alaıaqtar telefon arqyly azamattardyń aqshasyn bógde bireý urlaýǵa tyrysyp jatqany jaıly aıtyp, olardyń shottaryndaǵy qarajatty saqtaý úshin jalǵan qyzmetkerlerdiń nusqaýlaryn oryndaýdy suraıdy.
Ózderiniń qyzmetker ekenin rastaý maqsatynda, alaıaqtar jalǵan kýálikter jáne QMA logotıpteri bar ózge de qujattardyń fotosýretterin jiberedi.
Olardyń yqpalyna túsken azamattar óz jınaqtaryn zıankesterdiń shottaryna aýdarady.
Sonymen qatar, Qarjylyq monıtorıńi agenttiginiń atynan áleýmettik jelilerde jalǵan paraqshalardy ashý faktileri de jıilep ketken.
Belgisiz tulǵalar azamattarǵa alaıaqtyq jobalarǵa salynǵan qarajattaryn tez qaıtarýdy usynady.
Paraqshada jeke derekterińizdi, telefon nómirin, sondaı-aq joǵalǵan qarajat somasyn engizý usynylady.
Sodan keıin ár túrli nómirlerden, onyń ishinde sheteldik nómirlerden de agentter sizge qońyraý shalyp, ózderin QMA qyzmetkerleri retinde tanystyrady jáne banktik shotyńyz boıynsha málimetterdi alýǵa tyrysady.
«Qarjylyq monıtorıńi agenttigi jeke tulǵalarǵa telefon baılanysy arqyly da, messendjerler arqyly da qońyraý shalmaıdy. Azamattardan qyraǵy bolýǵa, aqparatty resmı derekkózdermen salystyrýǵa jáne alaıaqtardyń aıla-amaldaryna aldanbaýyn suraımyz. Call-center: 1458», delingen agenttik taratqan aqparatta.