Qazirgi ýaqytta qarjy pıramıdalaryn bastapqy kezeńde joıý sharalary qoldanýda.
Almatynyń ókiletti qyzmetteri adamdardy alaıaqtyq jolmen arbaıtyn 376 ınternet silteme buǵattaldy. Bul týraly Óńirlik komýnıkasıalar qyzmetiniń brıfıńinde Almaty qalasy boıynsha Ekonomıkalyq tergeý departamentiniń ókilderi aıtty, dep habarlaıdy Almaty-akshamy.kz
Memlekettik organnyń málimetinshe, jyl basynan beri 9 qarjy pıramıdasynyń (WBIC, Robotex, Hit Beat Music, Qnet, Chia Thai, Bincloud, S-Group, Marqar, Patin Coin) joly kesildi – 3000 adam olardyń qurbany bolǵan.
Sondaı-aq, jyl basynan beri ınternet-resýrstardy tekseretin «Baıqa pıramıda» Telegram-boty iske qosyldy.
“Endi bizdiń azamattar saıttar men áleýmettik jelilerdiń fınpıramıda belgileriniń bar-joǵyn óz betinshe teksere alady. Bul olardyń «alaıaqtyq» sqemalarǵa aldanýyna jol bermeıdi. Ázirlengen ónim halyq arasynda úlken suranysqa ıe ekendigi qazirdiń ózinde baıqalady. Qysqa ýaqyt ishinde azamattardan túsken 6 myńnan astam ótinim qaraldy, olarǵa bot avtomatty túrde jaýap berdi”, - dedi Ekonomıkalyq tergeý departamentiniń asa mańyzdy ister jónindegi jedel ýákili Jaqsylyq Myrzahan.
Kelesi qarjy pıramıdalaryn uıymdastyrýshylar jaýapqa tartyldy jáne uzaq merzimge sottaldy: «Innova Gold», «IG Group KZ», «Qozgan, Tender», «Rich Beach», «Álfa Seıls Konsaltıń», «ESS Group» jáne «Qnet». «Energy Eolus Qazaqstan» qarjy pıramıdasyn uıymdastyrýshylarǵa qatysty sotqa deıingi tergeý júrgizilýde.
“Uıymdastyrýshylar senimdi azamattarǵa jańartylatyn energıa kózderin jáne energıany saqtaý obektilerin josparlaý, salý jáne paıdalaný jobalaryna aqshalaı qarajattaryn salýdy usyndy, bul táýligine 2,7% - dan 3,4% - ǵa deıin, ıaǵnı aıyna 80% - dan astam jáne jylyna 950% - dan astam tabys túsedi dep ýáde berdi. Salym somasy 30 dollardan 2700 dollarǵa deıin. Jedel-izdestirý is-sharalaryn ótkizý barysynda 11 qalada, atap aıtqanda Aqtóbe, Astana, Kókshetaý, Óskemen, Atyraý, Oral, Qyzylorda, Pavlodar, Shymkent, Kentaý, Semeı qalalarynda keńseler ornatyldy, sondaı - aq uıymdastyrýshylardyń shetelde ekendigi anyqtaldy”, - dep jalǵastyrdy spıker.
Jeke tulǵalarǵa keltirilgen zalal somasy 259 mln teńgeden asady.
Memlekettik organ ókilderi atap ótkendeı, qarjy pıramıdasyna kirý erikti negizde jáne eshqandaı quqyqqa súıenbeı júzege asyrylady jáne eshkim salynǵan qarajatty qaıtarýǵa kepildik bermeıdi. Alaıda, aıaqtalǵan qylmystyq ister bar, onda azamattar salynǵan aqshany qaıtaryp alǵan kezder de bolǵan.
Osylaısha, qabyldanǵan sharalardyń nátıjesinde ETD qyzmetkerleri bank shottaryna, uıymdastyrýshylardyń jyljymaly jáne jyljymaıtyn múlikterine tyıym saldy. Mysaly, «World Business Consulting» qarjy pıramıdasyn uıymdastyrýshylarǵa qatysty qylmystyq is boıynsha segiz jábirlenýshige 126 mln teńge somasyna zalal óteldi.
«B2B Jewerly» qarjy pıramıdasyn uıymdastyrýshylarǵa qatysty qylmystyq is boıynsha 1200-den astam jábirlenýshige 700,1 mln teńge somasyna zalal óteldi. 2,2 mlrd teńge somasyna múlikke tyıym salyndy.
“Osy múmkindikti paıdalana otyryp, azamattardy elimizde qarqyn alyp jatqan ınternet-alaıaqtyqtan da saqtandyrǵym keledi. «Jalǵan qarjy» uıymdarynyń usynystaryn taratý jaǵdaılary jıilep ketti. Olar aqshany munaı óndirýshi kompanıalardyń, belgili bankterdiń jáne kvazımemlekettik sektor sýbektileriniń iri jobalaryna joǵary jáne pasıvti kiris túsedi degen ýádemen ınvestısıalaýǵa shaqyrady”, - dedi spıker.
Sondaı-aq, ol uıymdastyrýshylar adamdardy ózderine sendirý úshin tanymal jańalyqtar portaldarynyń logotıpteri men dızaınyn qoldanatynyn, sondaı-aq belgili tulǵalar men joǵary laýazymdy sheneýnikterdiń esimderin ataıtynyn atap ótti.
“Mundaı resýrstarǵa kire otyryp, siz ózińizdiń saýalnamalyq derekterińizdi toltyrmaýyńyz kerek. Osydan keıin olar qońyraý shala bastaıdy, aldanǵan adamnyń aty-jónin atap, ózderin banktiń nemese quqyq qorǵaý organynyń qyzmetkeri retinde tanystyrady jáne sizge nesıe rásimdelgenin nemese qylmystyq is qozǵaldy dep aldaıdy. Adamnyń tosylyp qalǵan sharasyz kúıin paıdalanyp, olar sizdiń banktik derekterińizdi bilip alady. Osyǵan baılanysty, Almaty qalasy boıynsha Ekonomıkalyq tergeý departamenti azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyrady”, - dedi ol.
Eger siz nemese sizdiń jaqyndaryńyz qarjy pıramıdalarymen betpe-bet kelgen jaǵdaıda, Jibek joly dańǵyly, 127 mekenjaıy boıynsha Almaty qalasynyń Ekonomıkalyq tergeý departamentine habarlasyńyz nemese 1458 koll-ortalyǵynyń nómirine qońyraý shalyńyz.