Óńirlik komýnıkasıalar qyzmetiniń brıfıńinde QR Qarjy naryǵyn retteý jáne damytý agenttiginiń Qarjy qyzmetterin tutynýshylardyń quqyqtaryn qorǵaý departamentiniń dırektory Aleksandr Terentev qarjylyq alaıaqtyq pen qarjy pıramıdalaryna qarsy kúres sharalary týraly aıtty, dep habarlaıdy almaty-akshamy.kz
Spıker quqyq qorǵaý jáne memlekettik organdar azamattardy alaıaqtardan qorǵaý boıynsha keshendi sharalar qabyldap jatqanyna sendirdi. Zańnamalyq, praktıkalyq jáne tehnıkalyq quraldardy qamtıtyn júıe quryldy. Ony jetildirý boıynsha jumystar únemi júrgizilýde.
Onyń aıtýynsha, 2023 jyldyń shildesinde Agenttik, Qazaqstan qarjygerler qaýymdastyǵy (QQQ) men 18 bank arasynda azamattardyń quqyqtary men múddelerin qorǵaýǵa qatysty ózara yntymaqtastyq týraly Memorandýmǵa qol qoıyldy.
«Memorandýmnyń maqsaty taraptardyń qarjy naryǵyndaǵy alaıaqtyqqa qarsy is-qımyl jóninde sharalar qabyldaýy, ınternet-alaıaqtardyń is-áreketinen zardap shekken klıentterge zalaldy óteý tetigin ázirleý, sondaı-aq azamattarǵa kredıtterdi qashyqtyqtan alaıaqtyq tásilmen resimdeý kezinde týyndaǵan bereshekti retteý arqyly jeke kásipkerlerdi qospaǵanda, azamattardyń, onyń ishinde bankterdiń klıentteri bolyp tabylatyn azamattardyń quqyqtary men múddelerin qorǵaý bolyp tabylady. Memorandým talaptary klıenttiń jeke ózi jáne (nemese) onyń bank úı - jaılarynda jeke qatysýymen operasıalar jasaǵan jaǵdaılarǵa qoldanylmaıdy», - dedi A.Terentev.
Budan basqa, QR Úkimeti baılanys, tólemder jáne aqsha aýdarymdary salasynda, sondaı-aq tutynýshylyq onlaın kredıtteý salasynda retteýdi kúsheıtýge jáne qatańdatýǵa baǵyttalǵan kredıttik alaıaqtyqqa qarsy is-qımyl tetikterin iske asyrý jónindegi jol kartasyn bekitti jáne 15 is-sharadan turady.
Jol kartasyna sáıkes kelesi sharalar qabyldandy:
- 2024 jyldyń birinshi jartyjyldyǵynda Ulttyq Banktiń bankaralyq tólemder ortalyǵynyń bazasynda qarjy naryǵyna arnalǵan antıfrod-ortalyq qurý josparlanýda. Ol kúdikti tulǵalar men alaıaqtyq operasıalardyń tıpologıalary týraly barlyq aqparatty jınaqtaıdy, bul kez kelgen alaıaqtyq operasıalardy aldyn ala bloktaýǵa múmkindik beredi. Antıfrod júıesiniń bolýy boıynsha jedel aýdarymdar qyzmetterin kórsetetin tólem servısterine talaptardy engizý josparlanýda.
-Telefon nómirlerin aýystyrýdyń aldyn alý jónindegi talaptardy oryndamaǵany úshin, SIM-kartalardy berý/aýystyrý kezinde jeke basyn tıisinshe teksermegeni úshin jáne tirkelmegen SIM-kartalardy paıdalanǵany úshin baılanys operatorlarynyń jaýapkershiligi qatańdatyldy, sondaı-aq qashyqtan qarjylyq qyzmetter kórsetý úshin bankterdiń mobıldi qosymshalarynyń aqparattyq qaýipsizdigine qoıylatyn talaptar belgilendi.
- Kredıttik alaıaqtyqty anyqtaýdyń onlaın júıesiniń, múddeli qarjy uıymdary men olardyń klıentterin habardar ete otyryp, ózge de zańsyz qyzmettiń bolýy boıynsha kredıttik búroǵa qoıylatyn talaptar, sondaı-aq onlaın kredıt alýǵa ótinimniń kelip túskeni týraly Klıentti habardar etý boıynsha bankter men MQU-ǵa qoıylatyn talaptar, sondaı-aq onlaın kredıt resimdeýge onyń rastamasyn alǵannan keıin ǵana klıenttiń shotyna aqsha aýdarý múmkindigi belgilengen.
Qazaqstanda azamattarǵa nesıeni rásimdeýge tyıym salýǵa múmkindik beretin qyzmet iske qosyldy.
«Qyzmet azamattarǵa qujattardy joǵaltý, shetelge shyǵý nemese basqa jaǵdaılar kezinde nesıelik alaıaqtardan qorǵanýǵa kómektesý maqsatynda iske qosyldy. Kredıttik tarıhty berýge erikti shekteý qarjy uıymdary úshin alaıaqtyq qaryz nysanasyna qosymsha tekserýdi bildiredi», - dep túsindirdi spıker.
Almatylyqtar qaryz alýdan erikti túrde bas tartýdy ornata alady.
«Jalǵan qaryzdardy resimdeýge baılanysty alaıaqtyqty azaıtý úshin 2024 jylǵy 11 aqpannan bastap jeke tulǵanyń banktik qaryzdar men mıkrokredıtter alýdan erikti túrde bas tartý quqyǵy týraly norma qoldanylatyn bolady. Kredıtorlarǵa onyń kredıttik esebinde mıkrokredıtter alýdan erikti túrde bas tartýdy belgileý týraly aqparat bolǵan kezde adamǵa mıkrokredıtter berýge tyıym salynady», - dep atap ótti ol.
Bankter men MQU-ǵa kredıttik búroǵa berilgen qaryzdar men mıkrokredıtter týraly naqty ýaqyt rejıminde aqparat berýdi, jeke tulǵanyń kredıtter alýdan erikti túrde bas tartýy bolǵan kezde resimdelgen kredıt boıynsha bereshekti esepten shyǵarýdy kózdeıtin zańnamalyq túzetýler ázirlendi.
Sondaı-aq, onlaın qyzmetterdi paıdalaný kezinde azamattardyń quqyqtaryn qorǵaý boıynsha qarjy uıymdarynyń jaýapkershiligi kúsheıtildi. Bankter men MQU ınternet-alaıaqtardyń áreketterinen zardap shekken qarjylyq qyzmetterdi tutynýshylarǵa keltirilgen zalaldy óteý tetigin ázirleýge kiristi.
«Ózińizdi jáne aqshańyzdy qarjylyq alaıaqtardan qorǵaý úshin sıfrlyq gıgıenany saqtańyz jáne bizdiń keńesterimizdi oryndańyz», - dep qosty A.Terentev.
QNRDA jumysy týraly tolyq aqparatty kelesi arnalar arqyly alýǵa bolady:
- Fingramota.kz ınternet-portalda;
- «Fingramota Online» mobıldi qosymshasynda;
- Agenttiktiń «1459» qysqa nómiri bar Sall-ortalyǵy arqyly jumys rejımi 09:00-den 17:00-ge deıin.