Aýyl mektepterin joǵary jyldamdyqty jelige qosý boıynsha tıisti is-sharalar júrgizilip jatyr
Sý tasqynynan zardap shekken óńirlerde 13 mektep Starlink jelisine qosyldy, dep habarlaıdy almaty-akshamy.kz.
Oqý-aǵartý mınıstrligi sý tasqyny bolǵan óńirlerde oqý prosesin uıymdastyrý boıynsha jumystardy jalǵastyryp jatyr. Onyń ishinde SDIAÓM-men birge ınternet jyldamdyǵy tómen aýyl mektepterin joǵary jyldamdyqty jelige qosý boıynsha tıisti is-sharalar júrgizilip jatyr.
Qostanaı, Aqtóbe, Ulytaý jáne Shyǵys Qazaqstan oblystary boıynsha mektepterge Starlink jelisiniń termınaldary ornatyldy.
Birinshi kezekte evakýasıalyq pýnktter ornalasqan mektepterde baılanys qondyrý men onlaın oqytýdy uıymdastyrý qolǵa alynyp jatyr. Sý tasqyny bastalǵaly beri 13 mektep joǵary jyldamdyqty jelige qosyldy. Qazir termınaldar Aqmola jáne Túrkistan oblystarynyń mektepterinde ornatylyp jatyr, – dedi sıfrlandyrý departamenti dırektorynyń mindetin atqarýshy Maıra Maralbaeva.
Elimizdiń 329 mektebi Starlink tehnologıasyn qoldana otyryp, ınternetpen qamtamasyz etilgen. Termınaldar ornatylǵannan keıin mektepterdegi ınternettiń ortasha jyldamdyǵy 150 Mbıt/s quraıtyn bolady.