Almaty qalasy Seısmıkalyq qaýipsizdik jáne jumyldyrý daıyndyǵy basqarmasy basshysynyń mindetin ýaqytsha atqarýshy taǵaıyndaldy
Almaty ákimi Erbolat Dosaevtyń ókimimen Almaty qalasy Seısmıkalyq qaýipsizdik jáne jumyldyrý daıyndyǵy basqarmasynyń basshysy laýazymyn mindetin ýaqytsha atqarýshy bolyp Batyrhan Súleımenov taǵaıyndaldy.
Batyrhan Súleımenov 1992 jyly Atyraý oblysynda dúnıege kelgen. 2015 jyly Ulybrıtanıanyń Kardıff Metropolıtan ýnıversıtetin «Menedjment» mamandyǵy boıynsha bitirgen.
Eńbek jolyn 2014 jyly bastaǵan. Ár jyldary komersıalyq jáne memlekettik uıymdarda basshylyq laýazymdarda jumys istedi. 2017 jyly qurylys kompanıasynda Bas dırektor bolyp jumys istedi. 2020 jyldan bastap qazirgi taǵaıyndaýǵa deıin Almaty qalasy Qalalyq josparlaý jáne ýrbanıstıka basqarmasy basshysynyń orynbasary bolǵan.
Esterińizge sala keteıik, Almaty máslıhatynyń kezekten tys XIV sesıasynda jańa seısmıkalyq qaýipsizdik jáne jumyldyrý daıyndyǵy basqarmalary bekitildi. Jańa qurylymdar aýdandyq ákimdikterdiń basqa basqarmalaryn, apparattaryn ońtaılandyrý esebinen qalyptasady jáne shtatty kóbeıtýdi kózdemeıdi.