Ǵalymdar anyqtaǵandaı, pıngvın sekildi usha almaıtyn qustardy qosa alǵanda, álemde ár adamǵa shamamen 6 qustan keledi eken. Bul jaıynda Almaty-akshamy.kz portaly SciTechDaily aqparat kózine silteme jasaı otyryp málim etedi.
Bul tarapta arnaıy zertteý júrgizgen Avstralıadaǵy Jańa Ońtústik Ýels ýnıversıteti ǵalymdarynyń esebinshe, búginde álem boıynsha shamamen 50 mlrd jabaıy qus bar. Iaǵnı, qaýyrsyn júndi qustardyń qarasy 8 mlrd-qa jaqyndaǵan adamzat sanyna shaqqanda alty ese kóp bolyp shyqty.
Avstralıalyq ǵalymdar toby ornıtologtarǵa jáne áýesqoılarǵa naqty ýaqyt aralyǵynda (rejımde) qustar týraly jan-jaqty málimet usynatyn eBird onlaın bazasynda tirkelgen derekterdi, dáliregi, bir mıllıardqa jýyq derekti biriktirip zerdelegen eken.
Atalǵan bazanyń 600 myńnan asa paıdalanýshysy 2010-2019 jyldar aralyǵynda qustardy baqylaǵan bolyp shyqty – qandaı qus qaı óńirde kezdeskeni tirkelip otyrǵan. Osy taspaǵa tartylǵan jazbalardy paıdalanǵan ǵalymdar búginde 92 myńnan asa qustyń túri baryn anyqtap bilgen. Olardyń 8 paıyzy tabıǵatta óte sırek kezdesetin túrlerinen turady.
Tek qustyń tórt túriniń sany ǵana bir mıllıardtan asady: úı qarǵasy, kádimgi saýysqan, delaver shaǵalasy jáne qarlyǵash. Qustardyń 1180 túriniń sany 5 myńnan aspaıtyndyqtan, olar qorǵaýǵa muqtaj.