Qaraýsyz qalǵan jerde skver: Almatynyń «Qarasý» shaǵyn aýdanynda uzyndyǵy 800 m jaıaý júrginshiler aleıasy salynady
Almatynyń «Qarasý» shaǵyn aýdanyndaǵy qaraýsyz qalǵan jer skverge aınalatyn bolady. Bul týraly megapolıs basshysy Erbolat Dosaevtyń jumys sapary barysynda Alataý aýdanynyń ákimi Azamat Qaldybekov málimdedi, dep habarlaıdy almaty-akshamy.kz
«Turǵyndar skver jasaýdy surady, negizinen, biz aǵash otyrǵyzýdy qarastyramyz, EBJ astyna alasa aǵashtar men butalardy otyrǵyzýdy josparlap otyrmyz, sondaı - aq brýschatkaly aleıa bolady, oryndyqtar, ýrnalar qoıylady, sýarý júıeleri bolady», - dedi Alataý aýdanynyń ákimi Azamat Qaldybekov.
Sonymen qatar, 4000-ǵa jýyq aǵash otyrǵyzý, sýarý júıesin júrgizý qarastyrylǵan. Shaǵyn aýdan turǵyndary bolashaqta demalatyn aleıanyń jalpy uzyndyǵy – 800 m, abattandyrý aýmaǵy - 37 myń m2 quraıdy.
«Qaraýsyz qalǵan aýmaqty retke keltirý, aǵash otyrǵyzý jáne abattandyrý josparlanýda. Kósheniń basqa bóligindegi aleıanyń jalǵasyn qolǵa almastan buryn, osy bóliktegi jumysty aıaqtaǵan jón. Barlyǵy qalaı jasalatyny is júzinde kóremiz. Jumysty ári qaraı jalǵastyrý ońaı bolady», - dep túsindirdi Almaty qalasynyń ákimi Erbolat Dosaev.
Sondaı-aq, turǵyndar qala ákiminen Qarasý shaǵyn aýdanyna jańa baǵytty iske qosýdy surady. Erbolat Dosaev qalalyq mobıldilik basqarmasyna jańa baǵytty engizý múmkindigin qarastyrýdy tapsyrdy, biraq eń aldymen joldy jóndeýdi aıaqtaý qajet.