Aýdan jyl sońyna deıin «Almaty sýǵa» qosylady.
Aýdan turǵyndary qala ákimi Erbolat Dosaevpen bolǵan kezdesý barysynda sý máselesin kóterdi, dep habarlaıdy Almaty-akshamy.kz.
«Men "Qarasý" shaǵynaýdanynan kelip turmyn. Sý jáne káriz qubyrlaryn bizdiń Shaıahmetova kóshesiniń basynda salǵaly jatyr. Endi bizde sý bolmaı jatyr, tańerteń 8-de óshken sý keshki 20:00-de bir-aq qosylady. Osy máseleni sheship berseńizder»,- dep surady aýdan turǵyny.
Almaty qalasy ákimi Erbolat Dosaev bylaı dep jaýap berdi:
- "Qarasý" shaǵynaýdanynan sý eki jerden kelip jatyr: jekemenshik «Qarasý» jáne qalalyq «Almaty sý». Men sizderge kelesi aptada arnaıy komısıa jibereıin. Qaı úılerge qaıdan jáne qalaı sý kelip jatqanyn teksereıik. «Almaty sýǵa» tolyq qosylý jumystaryn jyl sońyna deıin bitiremiz. Biraq bir operatordan ekinshisine ótý ońaı jumys emes. Sondaı-aq, aýdan ákimine tapsyrma beremin, aldaǵy aptada sizderge barady.