Partıanyń kezekten tys XXIV sezi bastaldy.
Elordada AMANAT partıasynyń kezekten tys XXIV sezi bastaldy. AMANAT partıasynyń tóraǵasy Erlan Qoshanov prezıdenttikke úmitker retinde Qasym-Jomart Toqaevty usyndy,dep habalaıdy Almaty-akshamy.kz QazAqparatqa silteme jasap.
AMANAT partıasynyń jáne QR Parlamenti Májilisiniń tóraǵasy Erlan Qoshanov búgingi reformalardyń basty maqsaty ádilettilik, teńdik, birlik prınsıpterin ornyqtyrý ekenin basa aıtty.
«Biz ótkenge keri qaıtpaýymyz kerek. Aýqymdy ózgerister óziniń zańdy jalǵasyn tabýy tıis. Al memleket aldynda turǵan uly maqsat-murattarǵa qol jetkizý úshin bizge laıyqty kóshbasshy kerek. Sondyqtan, prezıdenttikke úmitker retinde Qasym-Jomart Kemeluly Toqaevty usynamyn!», - dedi Erlan Qoshanov.
Aıta keteıik, búgin barlyq oblys pen Astana, Almaty jáne Shymkent qalalaryndaǵy partıalyqtar AMANAT-tyń basty saıası is-sharasyna jınaldy. Sezge jalpy 1200 delegat qatysyp otyr. Onyń 700-i – elimizdiń túkpir-túkpirinen kelgen partıa músheleri.
Eske salaıyq, bıylǵy 20 qarashada Qazaqstanda kezekten tys prezıdent saılaýy ótedi.