Respýblıka kóleminde esirtki qylmysynyń aldyn alýǵa baǵyttalǵan «Qarasora-2023» jedel-profılaktıkalyq is- sharasy 1 maýsym jáne 31 qazan aralyǵynda ótkiziledi.
Qyzylorda oblysynda maýsym aıynan bastalǵan «Qarasora-2023» is-sharasy aıasynda esirtki ósirýmen aınalysqan 23 adam qolǵa túsip, olardyń 6-y qamaýǵa alyndy, dep habarlaıdy Almaty-akshamy.kz Egemen.kz-ke silteme jasap.
Atalǵan jumys barysynda oblysta esirtki ósirýmen aınalysqan 23 adam ustaldy, onyń 6-y qamaýǵa alyndy.
«Atalǵan jumystar barysynda oblys kóleminde barlyǵy 39 esirtki quqyq buzýshylyǵy anyqtalǵan. Onyń ishinde 20-y esirtki ósirý, 2-i esirtki ótkizý, 3-i asa iri mólsherde saqtaý jáne 14-i esirtkige baılanysty qylmystyq teris qylyqtar sanalady. Zańsyz aınalymnan 1,6 tonna esirtki zaty alyndy. Polısıa qyzmetkerleri olardan 5 keliden astam «marıhýana», 5 gram «gashısh» jáne 1 tonna 610 keli kannabıs ósimdigin tárkiledi», dep málim etti oblystyq polısıa departamentinen.