Elimizdiń kóptegen óńirinde qylyshyn súı̆retip qys keldi. Qostanaı̆da tobyqtan keler qar jatyr. Al, Almaty oblysy Jambyl aýdany Sýyqtóbe taýynyń eteginde báı̆sheshek gúldedi, dep habarlaıdy almaty-akshamy.kz.
Sýyqtóbe baýraıyn jaılaǵan malshylar tabıǵattyń bul qubylysyn kórip, vıdeoǵa túsirgen. Tek kóktemde búr jaratyn báı̆sheshek bıyl qysty qylań berip qarsy alǵandaı̆. Aı̆maqta kún nuryn tógip, óńirde jaı̆mashýaq kúı̆ ornaǵan. Eń názik, sulý ósimdik shopandarǵa qýanysh, jarqyn bolashaqqa degen senim men úmit syı̆laǵandaı̆.
Aıtý kerek, osydan úsh kún buryn áleýmettik jeli arqyly Shymkent qalasynda alma búr jarǵany týraly habar áleýmettik jeli arqyly taraǵan bolatyn.