Mamandar olardyń qus tumaýynan ólgenin málimdegen edi
Qarakól ózenine jiberiletin sýdy zertteý kezinde zıandy zattardyń shamadan tys mólsheri anyqtaldy. Sonyń negizinde Rixos Aktau qonaq úıine qatysty tekseris bastaldy, dep habarlady Lada.kz.
Sońǵy málimetke sáıkes, Qarakóldiń jaǵasynan 826 aqqýdyń óleksesi tabylǵan. Buǵan deıin mamandar júzdegen aqqýdyń qus tumaýynan qyrylǵanyn málimdegen edi. Al áleýmettik jelide Rixos Aktau qonaq úıinen kólge túsetin qubyrdyń vıdeosy tarady. Halyq kólge zıandy qaldyqtardyń tógilip jatqanyn jarysa jazdy. Sonyń saldarynan aqqýlar qyrylyp jatyr degen boljam da jasaldy.
Ekologıa jáne tabıǵı resýrstar mınıstrligi Rixos Aktau qonaq úıine qatysty jospardan tys tekseristiń bastalǵanyn habarlady. Ekologıalyq retteý jáne baqylaý komıtetiniń tóraǵasy Jomart Álıevtiń aıtýynsha, zerthanalyq taldaý kezinde Qarakólge tógilip jatqan sýdyń quramynda zıandy zattardyń shamadan tys mólsheri anyqtalǵan.
Sonyń negizinde Rixos Aktau qonaq úıine qatysty jospardan tys tekseris bastaldy. Tekseristiń nátıjesi boıynsha tártip buzýshylarǵa qatysty tıisti sharalar qabyldanyp, ákimshilik ister qozǵalady, - dedi Álıev.