Mańǵystaý oblysyndaǵy Qarakól kólinde qyrylǵan aqqýlardyń sany eki júzden asty. Óńirlik Ekologıa departamentiniń málimetine sáıkes ólgen aqqýlardan qus tumaýynyń vırýsy tabylǵan.
21 jeltoqsannan beri qoryq ınspektorlary qyrylǵan 132 aqqýdy tapty. Al 2 qańtardaǵy jaǵdaı boıynsha ólgen aqqýlar sany 227 boldy. Onyń ishinde 132 aqqýdyń óleksesi joıyldy, taǵy 95 aqqý 3 qańtarda veterınarıalyq zańnamada belgilengen tártip boıynsha joıylady», - dedi Ekologıa departamentiniń baspasóz qyzmeti.
Ótken jyldyń 21 jeltoqsanynda Ústirt memlekettik tabıǵı qoryǵynyń qyzmetkerleri Qarakól kólinde kúzet is-sharalaryn ótkizý kezinde 30 aqqý-shıpýnnyń ólimi faktisin anyqtaǵan bolatyn.
Atalǵan derek boıynsha boıynsha qoryq jáne oblystyq orman sharýashylyǵy jáne janýarlar dúnıesi aýmaqtyq ınspeksıasynyń mamandary Mańǵystaý oblysynyń Ekologıa departamenti, ASHM veterınarıalyq baqylaý jáne qadaǵalaý komıtetiniń veterınarıa jónindegi Ulttyq ortalyǵynyń qyzmetkerlerimen birlesip tıisti zerthanalyq zertteý júrgizý úshin synamalar aldy.