Elordalyq volonterler komýnaldyq qyzmetkerlerge shaı men baýyrsaq taratty
Sońǵy kúnderi qardyń tolassyz jaýýyna baılanysty qaladaǵy barlyq aýdanda komýnaldyq qyzmet kúsheıtilgen rejımde táýlik boıy jumys istep jatyr, dep habarlaıdy Almaty-akshamy.kz elorda ákimdiginiń resmı saıtyna silteme jasap.
Soǵan baılanysty elordalyq volonterler qar kúreý jumysyna jumyldyrylǵan mamandarǵa ystyq shaı men baýyrsaq taratty. Volonterler qalanyń barlyq aýdandarynda osyndaı is-shara ótkizip jatyr.
«Bizge únemi qoldaý kórsetetin volonterlerge alǵys aıtamyn. Búgin mine bárimiz qar kúrep jatyrmyz, jumys óte kóp. Osyndaı jylý syılap jatqandaryńyz úshin kóp rahmet», - dep jumysshylardyń biri jastarǵa alǵysyn aıtty.
Sonymen qatar Astana volonterleri zeınetkerler men erekshe qajettiligi bar azamattardyń úıiniń mańyn qardan tazartýǵa kómektesti. Mundaı aksıa qaladaǵy barlyq 5 aýdanda bastaldy. Qysqy maýsym bastalǵanǵa deıin ortalyq mamandary aýdandyq ákimdikterden kómek qajet azamattardyń tizimin alyp, sol boıynsha jumys isteıdi. Keıbir turǵyndar áleýmettik jeli arqyly volonterlerden kómek suraıdy. Búgin volonterler jeke turǵyn úı sektoryndaǵy birqatar úılerdiń aýlasyn qardan tazarty.
Volonterler qys ýaqytynda qar kúreýmen qatar, turaqty túrde azyq-túlik sebetterin taratý, otyn jarý jáne aýa raıy qolaısyz kezde shaı usyný sıaqty kómek kórsetip turady.
Volonterlerdiń atýynsha qaıyrymdylyq aksıasy qystyń sońyna deıin jalǵasady.