Gonkongta kovıdtiń taralýy órshidi
Qazaqstandaǵy Qaraǵandy farmkesheninde «Spýtnık Laıt» preparatyn shyǵarý josparlanýda. QR Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń tóraǵasy Baýyrjan Baıserkın vaksınanyń tirkelgenin atap ótti, dep habarlaıdy Almaty-akshamy.kz.
Al, Afrıkanyń alty eli kovıdke qarsy mRNA vaksınalaryn shyǵarý tehnologıasyn alatyn bolady. DDU-nyń habarlamasynda ótinish berýshiler qatarynda Egıpet, Kenıa, Nıgerıa, Senegal, Týnıs jáne Ońtústik Afrıka elderiniń bar ekendigi jáne olar tehnologıany alýshylar retinde tańdap alynǵandyǵy týraly kórsetilgen.
Gonkongta kovıdtiń órshýine baılanysty ákimshilik basshysynyń saılaýyn keıinge qaldyrý týraly habarlandy. 27 naýryzǵa belgilengen daýys berý rásimi 8 mamyrǵa aýystyryldy. Gonkongta halyqtyń 85% vaksınasıalanǵanyna qaramastan, beısenbi kúni qalada ınfeksıa juqtyrýdyń 6,1 myńnan astam derekteri rastaldy — bul jańa antırekord.