Qaraǵandy oblysynda uıymdasqan qylmysqa qarsy kúres basqarmasynyń jedel ýákilderi prokýratýramen birlesip, qylmystyq toptyń áreketine tosqaýyl qoıdy.
Jedel izdestirý is-sharalary barysynda osy toptyń 12 qylmysqa qatysy bary anyqtaldy. Jábirlenýshiler “Qarmet” AQ qyzmetkerleri, jeke kásipkerler jáne joǵary oqý oryndarynyń stýdentteri bolyp tabylady.
Kúdiktiler qoǵamdyq tártipti óreskel buza otyryp, qylmys jasaǵan. Olar uryp-soǵýmen, múlikti tartyp alyp, aqsha bopsalaýmen aınalysqan.
– Jalpy toptyń 25 múshesi ustaldy. Onyń ishinde eń belsendi 10 adam qamaýǵa alyndy. Tintý barysynda atys jáne sýyq qarý, oq-dári, dinı ádebıet pen iri kólemde qarajat tárkilendi. Qazirgi tańda olardyń basqa da qylmystarǵa qatysy bar-joǵy tekserilýde. Basqa aqparat tergeý múddesinde jarıa etilmeıdi, – dedi departament bastyǵy – İİM resmı ókili Shyńǵys Alekeshev.