Byltyr qabyldanǵan "Qoǵamdyq baqylaý týraly" zań 4 sáýirde kúshine enedi.
Osy aıdan bastap Qazaqstan azamattary onlaın petısıa jarıalaı alady, dep habarlaıdy Almaty-akshamy.kz
Zańda petısıa ınstıtýty rettelgen. Petısıany mindetti túrde qaraý úshin aýdandyq, oblystyq jáne respýblıkalyq deńgeıde daýys shegi bolady. Sol shekti mánge jetken petısıa ǵana qoldaý tapty dep sanalady.
Petısıany aýdan ákimdigi qaraý úshin 2,5 myńnan astam qol jınaý qajet. Al aýdandyq máslıhat qaraý úshin 5 myń adamnyń qoldaýy kerek. Oblystyq deńgeıde qarastyrylatyn petısıa úshin oblys halqynyń 1 paıyzynan astamynyń qoly qajet. Eger oblys turǵyndarynyń 2 paıyzy qoldasa, onda oblystyq máslıhat qaraıdy.
Al qoldaýshylar sany 50 myń adamnan assa, petısıa úkimet deńgeıinde qaralady.