Oqıǵa ornynda jedel-tergeý toby jumys istep jatyr
3 qańtarda Qaraǵandydaǵy karaoke-klýbtardyń birinde kelýshiler arasynda janjal shyǵyp, sonyń saldarynan 23 jastaǵy jigit oq jaraqatymen aýrýhanaǵa tústi, – dep habarlaıdy Almaty-akshamy.kz Azattyq Rýhy-na silteme jasap.
Aqparatty Qaraǵandy oblysynyń Polısıa departamenti rastady.
«3 qańtarda tańǵy saǵat 02.00 shamasynda «Janym sol» karaoke-klýbynyń kelýshileri men kúzetshileri arasynda bolǵan janjal saldarynan 23 jastaǵy qala turǵyny «oq jaraqaty» dıagnozymen aýrýhanaǵa jatqyzyldy. Atalǵan fakti boıynsha QR Qylmystyq kodeksiniń «Adam óltirýge oqtalý» baby boıynsha sotqa deıingi tergeý bastaldy», – delingen PD habarlamasynda.
Qaqtyǵysqa qatysýshylardyń kim ekeni anyqtaldy. Olardan qarý tárkilenip alyndy. Búgingi tańda qylmysqa qatysy bar ózge de tulǵalardy jedel-izdestirý sharalary júrgizilýde. Oqıǵa ornynda jedel-tergeý toby jumys istep jatyr.