Jaýyn-shashyn, negizinen, qar jaýyp, jel kúsheıedi
«Qazgıdromet» RMK 4-6 qańtar aralyǵyndaǵy aýa raıyna boljamyn jarıalady, – dep habarlaıdy Almaty-akshamy.kz.
«4 qańtardan bastap jylý men ylǵaldyń úlken qory bar sıklondar serıasy elimizdiń kóp bóligindegi aýa raıyna áser etedi. Jaýyn-shashyn, negizinen, qar jaýyp, jel kúsheıedi, sondaı-aq aýa temperatýrasy joǵarylaıdy. Alaıda, keıin ony sýyq batys antısıklony almastyrady. Jaýyn-shashyn tyıylyp, aýa temperatýrasy aıtarlyqtaı tómendeıdi. Aldymen batysta, sodan keıin shyǵys baǵytta jáne eldiń qalǵan bóliginde osylaı jalǵasady. Elimizdiń soltústik-batysynda, soltústiginde, ortalyǵynda túnde 20-25, keı jerlerde 30 gradýs aıaz boljanady», – delingen habarlamada.