Eshkim dalada qalmaıdy.
Qaraǵandyda Ýnıversıtetskaıa kóshesindegi sý basqan úsh úsh qabatty úılerden turǵyndar evakýasıalandy. Qazir komýnaldy qyzmetter aýladan sý soryp jatyr, dep habarlaıdy Almaty-akshamy.kz QazAqparatqa silteme jasap.
Kesheden beri Qaraǵandy qalasynyń tanymal pablıkterinde kóshe boılaryn sý basyp jatqany týraly beınerolıkter jarıalanyp jatyr. Turǵyndardy dúrliktirgen beınekórinisterden erigen qar sýynyń kóshe joldaryn basyp, aýlalarǵa kirip jatqanyn kórýge bolady.
Páter ıelerimen Qaraǵandy oblysynyń ákimi Jeńis Qasymbek kezdesti. Óńir basshysy eshkimdi qıyn jaǵdaıda qaldyrmaıtynyn atty.
«Eshkim dalada qalmaıdy. Tıisti uıymdar tekserý júrgizedi. Barlyq qajetti sharalar qabyldanady», - dedi Jeńis Qasymbek.
Qazirgi ýaqytta tuıyqtalý qaýpiniń aldyn alý maqsatynda elektr qýaty sóndirilgen.
Sý basqan úılerde 36 páter bar. Turǵyndardyń kópshiligi týystaryna ketti. 23 adam qonaq úılerge ornalastyryldy. Osyǵan deıin Qaraǵandy oblysyndaǵy HQKO-da «jeńildikti terezeler» jumys isteıtini habarlandy.