11 kenshi qaza tapty.
Qaraǵandyda Kostenko atyndaǵy shahtada apat boldy. Saǵat 09:00-degi jaǵdaı boıynsha 11 adam qaza tapty, dep habarlaıdy Almaty-akshamy.kz
Qaraǵandy oblysynyń ákimi Ermaǵanbet Bólekpaev qaza tapqan kenshilerdiń týystary men jaqyndaryna kóńil aıtty.
"Búgin Kostenko atyndaǵy shahtada órt bolyp, 11 adam kóz jumdy, ártúrli dárejedegi jaraqattarmen aýrýhanaǵa 18 adam jetkizildi", - dep habarlady óńir basshysy áleýmettik jelidegi paraqshasynda.
Aıtýynsha, apat kezinde shahtada 252 adam bolǵan, jer betine 205 shahter shyǵaryldy.
Boljam boıynsha lavada gaz metany jarylǵan.
Jedel shtab quryldy. Oqıǵa ornyna oblys ákimi men prokýratýra ókilderi bardy.
Oqıǵa ornynda 40 qutqarýshy, 10 birlik tehnıka jumys istep jatyr. Sondaı-aq qaza tapqandar men zardap shekkenderdiń týystaryna kómek kórsetetin 3 psıholog tartylǵan.
Aqparattyq jáne psıhologıalyq qoldaý kórsetý úshin senim telefondary jumys isteıdi: (8-7212) 49-72-70, 51-72-23.