Shý - eldegi eń taza qala.
Qazaqstan álemdegi aýasy lastanǵan 134 eldiń ishinde 40-shy orynda, dep habarlaıdy aqshamnews.kz
Eldegi PM2,5 ortasha jyldyq konsentrasıasy 22,2 mıkrogramm/tekshe metr bolǵan. Bul DDSU usynǵan jyldyq ortasha aýa sapasynan birden 4,4 ese joǵary.
Mamandardyń málimetinshe, Shý eldegi eń taza qala, al Qaraǵandy eń las qala dep sanalady.
Dúnıe júzinde eń lastanǵan elder qatarynda – Bangladesh, Pákistan jáne Úndistan, al eń tazasy – Fransýz Polınezıasy, Mavrıkıı jáne Islandıa.
TMD elderiniń ishinde Qyrǵyzstan, Ózbekstan jáne Armenıanyń aýasy Qazaqstanǵa qaraǵanda las. Al Ázirbaıjan, Moldova, Reseı, Ýkraınaǵa qaraǵanda taza.
Sonymen qatar Qazaqstanda bıylǵy jyldyń qańtar-qyrkúıek aılarynda qorshaǵan ortany qorǵaýǵa 25,6 mlrd teńge ınvestısıa tartylǵan.