Almaty ákimi Erbolat Dosaev jumys sapary aıasynda Áýezov aýdanyndaǵy №9 jóndelgen mektepti aralady
Áýezov aýdanynda kúrdeli jóndeýden keıin №9 mektep ashyldy
Jarty ǵasyrdan astam ýaqyt buryn salynǵan 1200 oqýshyǵa arnalǵan mektep ǵımaraty 20 jyldan astam ýaqyt boıy kúrdeli jóndeý júrgizilmegen. Aldynda bolǵan jumys sapary kezinde qala basshysy merdigerge birqatar tapsyrmalar bergen edi,atap aıtqanda, ǵımarattyń kireberis tobyn keńeıtý, irgeles aýmaqta aryqtardy jabdyqtaý. Qoldanylatyn materıaldardyń sapasyna jáne mekteptiń zamanaýı jabdyqtalýyna erekshe nazar aýdarý.
Qala basshysynyń aıtqan eskertýlerinen soń jóndeý jumystary kezinde ǵımarat seısmıkalyq kúsheıtildi, shatyr, jylý júıesi, sýmen jabdyqtaý jáne sý burý jelileri jóndeldi. Oqý ornynyń aýmaǵy abattandyryldy, sport stadıonynyń negizi qaıta qalpyna keltirildi.
Sondaı-aq, Erbolat Dosaevtyń tapsyrmasy boıynsha deneshynyqtyrýmen aınalysý úshin shaǵyn fýtbol jáne basketbol alańdary, ústel tenısine arnalǵan alań, ashyq oıyndar men trenajerler ornatyldy. Mekteptiń perımetri boıynsha qorshaýlar aýystyryldy.
Mektep oqýshylary barlyq jóndeý jumystary aıaqtalǵannan keıin 6 qarashada jańartylǵan ǵımarattyń partalaryna oraldy.
«Áleýmettik ınfraqurylymdy damytý, mektepter, balabaqshalar salý jáne olardy jańǵyrtý – biz júrgizip jatqan jumystyń basymdyǵy. Qalada shaǵyn aýdandarda salynǵan mektepter zamanaýı standarttarǵa ákeledi. Mysal retinde №9 mektep bolyp tabylady jáne osy baǵyttaǵy jumys jalǵasady», - dep atap ótti Erbolat Dosaev.
Almaty qalasynyń Áýezov aýdanynda barlyǵy 55 mektep bar, onyń ishinde 33 memlekettik jáne 22 jekemenshik mektep, onda 59 myń oqýshy oqıdy. Munda alǵashqy jaıly mektep qyrkúıek aıynda ashyldy. Jańa mektep № 97 mektep-gımnazıanyń ornyna salyndy. Burynǵy eski mektep 60 jyldan soń apatty dep tanyldy jáne buzyldy.
