«Spýtnık Laıt» Qazaqstanda ótken jyly tirkelgen.
«Qaraǵandy farmasevtıkalyq kesheni» bir komponentti «Spýtnık Laıt» vaksınasyn óndirýdi bastaıdy, dep habarlaıdy Almaty-akshamy.kz
Gamaleıa atyndaǵy Reseı ǵylymı-zertteý ınstıtýtynda revaksınalaý úshin jasalǵan preparattyń dáleldengen tıimdiligi 79,4% quraıdy.
Atalǵan vaksınanyń valıdasıalyq partıalary QFK-da shyǵarylyp, Reseıge sapany baqylaýǵa jiberildi jáne Qazaqstandyq óndiristegi preparatty RF-da tirkeý kútilýde. Aıta ketý kerek, dál osy QFK qazaqstandyqtardy vaksınasıalaý úshin COVID-19 vırýsyna qarsy alǵashqy «Spýtnık V» preparatyn shyǵarýdy jolǵa qoıdy. 2021 jyldyń aqpan aıynan bastap pandemıa kezinde ınfeksıanyń taralýyna qarsy kúresý úshin azamattyq aınalymǵa 7 mıllıon doza vaksına jiberildi.
Kelesi qadam - halyqty qaıta vaksınalaýǵa arnalǵan «Spýtnık Laıt» bir komponentti preparatyn óndirýdi ıgerý. Koronavırýsqa qarsy vaksınalardan basqa «Qaraǵandy farmasevtıkalyq kesheni» JSHS qaterli isik, gemofılıa, skleroz, qant dıabeti jáne orfandyq aýrýlarǵa qarsy tıimdiligi joǵary dárilerdi shyǵarýǵa mamandanǵan.
Sondaı-aq, óte sırek kezdesetin mýkopolısaharıdoz, Goshe aýrýy, sıstıkalyq fıbroz jáne býllezdi epıdermolız aýrýlary bar naýqastarǵa arnalǵan preparattar óndiriledi. QFK qýattylyǵy jylyna áleýmettik-mańyzdy preparattardyń 4 mln qaptamasyn shyǵarýǵa múmkindik beredi.