«Kóktem-2022» oqýy sheńberinde taktıkalyq-arnaıy jattyǵýlar ótkizý josparlanyp otyr.
Qazaqstannyń barlyq óńirinde ortalyq memlekettik jáne jergilikti atqarýshy organdardyń, azamattyq qorǵaýdyń respýblıkalyq jáne oblystyq qyzmetteriniń, Qarýly Kúshterdiń jáne basqa da áskerı qurylymdardyń bólimsheleriniń respýblıkalyq komandalyq-shtabtyq oqý-jattyǵýy ótedi, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Oqý-jattyǵýǵa basshylyq Batys Qazaqstan oblysynyń ortalyǵy – Oral qalasynan júzege asyrylady. TJM málimetinshe, Soltústik Qazaqstan, Shyǵys Qazaqstan, Aqmola, Qaraǵandy jáne Qostanaı oblystarynda sý basý qaýpiniń joǵary deńgeıi saqtalýda. Oqý-jattyǵý barysynda halyqty habardar etý, basqarý organdaryn, kúshter men quraldardy kóktemgi kezeńge jáne tótenshe jaǵdaılardy joıý kezindegi is-qımyldarǵa daıyndaý maqsatynda ortalyq memlekettik jáne jergilikti atqarýshy organdardyń ózara is-qımyly máseleleri pysyqtalatyn bolady.
«Kóktem-2022» oqýy sheńberinde taktıkalyq-arnaıy jattyǵýlar ótkizý josparlanyp otyr. Onda sý tasqynyna qarsy is-sharalar barysyndaǵy mindetter pysyqtalatyn bolady. Qarýly kúshterdiń bul oqý-jattyǵýǵa qatysýy el Prezıdenti Qasym-Jomart Toqaevtyń daǵdarys jaǵdaılarynda vedomstvoaralyq úılestirýdi kúsheıtý jónindegi tapsyrmasyn iske asyrýdyń mańyzdy sharasy bolyp tabylady.