Jolda qalǵan almatylyqty Aqmola oblysynyń polıseıleri qutqardy
Almaty turǵyny aqmolalyq polıseılerge qolaısyz aýa raıynda kórsetken kómegi úshin alǵysyn bildirdi, dep habarlaıdy Almaty-akshamy.kz Polisia.kz-ke silteme.
Almaty qalasynyń turǵyny Atbasar aýdanynyń ýchaskelik polısıa ınspektorlaryna alǵys bildirdi. Óz habarlamasynda er adam 14 aqpanda shamamen saǵat 21:00-de Almaty-Ekaterınbýrg avtojolynyń 56 shaqyrymynda GAZel avtokóligimen qar qursaýynda qalyp qoıǵanyn jazǵan. Aýa raıy saǵat saıyn nasharlap, júrgizýshi ózdiginen shyǵa almaǵan. Sodan keıin ol “102” púltine qońyraý shaldy. Er adamdy jeldiń kúsheıýi alańdatty. Almaty qalasynyń turǵynyna ýchaskelik ınspektorlary Qanat Ómirzaqov pen Nurbolat Qaderbek kómek kórsetti. Arnaıy tehnıkany kútpeı-aq, kúrekpen qarýlanǵan tártip saqshylary kólikti qutqaryp qaldy.
«Polıseılerge meni qıynshylyqta qaldyrmaǵany úshin alǵys aıtamyn. Olar óte jaýapty adamdar. Polısıa maıory Qanat meni túneý úshin úıine alyp bardy. Tańerteń aýa raıy ashylǵan kezde, polısıa meni tas jolǵa aparyp saldy. Aıtpaqshy, osy kúni polıseıler menen basqa taǵy bir eki jáne tórt jastaǵy eki balasy bar otbasyn qutqardy», – deıdi almatylyq.
«Jolda ártúrli jaǵdaılar bolady. Biz basqasha jasaı almadyq. Sonymen qatar, meniń jubaıym – medısına qyzmetkeri, sondyqtan men sıaqty árdaıym túsinistikpen qaraıdy jáne kómekke muqtaj adamdarǵa qol ushyn berýge daıyn», – dep bólisti Marınov aýyldyq okrýgine qyzmet kórsetetin ýchaskelik ınspektor Q.Ómirzaqov.