Dertti orta jastaǵy áıel jeńip shyqqan.
Dárigerler kindik qanynyń transplantasıasy arqyly áıeldi VICH-tan emdep shyqty. Bul jaǵdaı týraly mamandar AQSH-tyń Denver qalasynda retrovırýstar men oportýnıstik ınfeksıalarǵa arnalǵan konferensıada aıtty, dep habarlaıdy Almaty-akshamy.kz Interfax.ru silteme jasap.
The New York Times basylymynyń málimetinshe, áıelde aq qan aýrýy da bolǵan. 2017 jyly qaterli isik aýrýyn emdeý úshin ol adamnyń ımýnıtet tapshylyǵy vırýsynyń (AITV) jasýshalarǵa enýin bloktaıtyn mýtasıamen jartylaı úılesimdi donordan kindik qanyn aýystyryp quıǵan. Sondaı-aq ol transplantasıa saýyǵý kezinde ımýndyq qorǵanys berý úshin jaqyn týysynan qan quıdy, bul shara shamamen alty aptaǵa sozylǵan.
Naýqas transplantasıadan keıin, ıaǵnı 37 aıdan keıin antıretrovırýstyq em qabyldaýyn toqtatqan. 14 aıdan astam ýaqyt ótken soń, onyń qan analızinde AITV-nyń dáleli joq bolyp shyqqan jáne vırýsqa antıdeneler anyqtalmaǵan.
Áıeldiń orta jastaǵy adam ekeni belgili jáne ol aralas násilden bolyp keledi.
Budan buryn AITV-ınfeksıasyn juqtyrǵan naýqastardy emdeý barysynda qaterli isik dıagnozy qoıylǵan er adamdarǵa AITV-ınfeksıasyn bloktaıtyn mýtasıaǵa ıe donorlardan súıek kemigin aýystyryp salynǵan bolatyn Olar aýyr janama áserlerge tap bolǵan, sebebi transplantatqa qarsy aýrý paıda boldy, óıtkeni bul prosedýra úshin úılesimdi donor tabý óte qıyn.
VICH-ten aıyqqan birinshi adam - «Berlındik pasıent» atanyp kelgen Tımotı Reı Braýn 2020 jyly leıkozdyń qaıtalanýynan qaıtys boldy. 2011 jyly emdelgen ýaqyttan qaıtys bolǵanǵa deıin onyń taldaýlarynda VICH indeti bolǵan joq.
AITV-ny súıek kemigin aýystyrý arqyly jeńgen taǵy bir naýqas londondyq Adam Kastıleho boldy.