Almatyda qýattylyǵy táýligine 1200 tekshe metrge deıingi alǵashqy qar eritý pýnkti iske qosyldy
Almatyda qala ákimi Erbolat Dosaevtyń tapsyrmasy aıasynda qar eritý pýnkti ashyldy, onda Qazaqstanda alǵash ret ekologıalyq taza eritý tehnologıasy jáne qardy tıimdi kádege jaratý qoldanyldy, dep habarlaıdy aqshamnews.kz
Jańa pýnkt buryn «Almaty Tazalyq» KMK kóktaıǵaqqa qarsy reagentteri saqtalǵan bazada salynǵan. Ony qurý qajettiligi qalanyń ınfraqurylymyna júktemeniń artýymen jáne sońǵy jyldary qardyń kóp túsýine baılanysty.
Qar eritý pýnktiniń jumys prosesi qoldanystaǵy káriz jelisi arqyly keletin aǵyndy sýlardyń jylýyn paıdalanýǵa negizdelgen. Qysymmen jyly sý sorǵy qondyrǵylary men qubyrlar júıesinen ótip, qardy eritedi. Osydan keıin paıda bolǵan erigen sý súzgige túsedi, qum men qoqystardan tazartylady, sodan keıin qalalyq káriz jelisine jiberiledi. Pýnkttiń qýaty - táýligine 1200 tekshe metrge deıin q ardy eritedi.
Qar eritý pýnktine Áýezov, Almaly jáne Bostandyq aýdandarynyń aýmaqtarynan qar jetkiziledi. Bul aýdandarda qar úıindisi máselesi óte ótkir, al trafık ortalyq kóshelerden qardy tıimdi shyǵarýǵa múmkindik bermeıdi.
Sonymen qatar, mundaı sheshim qardy qaladan tys jerlerge shyǵarýǵa ketetin ýaqyt pen resýrstardy edáýir azaıtýǵa, sondaı-aq ekologıaǵa teris áserdi azaıtýǵa múmkindik beredi.
«Almaty tazalyq» MKK dırektorynyń orynbasary Ertaı Qasenov atap ótkendeı, qar eritý pýnktin engizý — ekologıalyq turaqtylyqty qamtamasyz etýdegi jáne megapolıste ómir súrý sapasyn jaqsartýdaǵy mańyzdy qadam.
«Sońǵy jyldary qysta jaýyn-shashyn kúsheıe tústi jáne biz qardy tıimdi ýtılızasıalaý úshin jańa sheshimder izdeýge májbúrmiz. Qar eritý pýnkti — polıgondarǵa qar shyǵarylatyn dástúrli ádiske zamanaýı balama», - dep tolyqtyrdy sózin Ersaı Qasenov.
Aıta keteıik, joba qala kósheleriniń qysqy kútimin jaqsartýǵa jáne qys mezgilinde Almaty turǵyndary úshin jaılylyqty arttyrýǵa baǵyttalǵan.