Qapshaǵaı sý qoımasyndaǵy úsh qyzdy qutqarǵan azamat "Sýǵa batqandardy qutqarǵany úshin" medalimen marapattaldy, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Qapshaǵaı sý qoımasyndaǵy úsh qyzdy qutqarý kezinde 2022 jylǵy 29 shilde kúni kórsetken erligi, batyldyǵy jáne janqıarlyǵy úshin Qazaqstan Respýblıkasy Tótenshe jaǵdaılar mınıstriniń buıryǵymen azamat Aleksandr Vladımırovıch Ananıev Konstıtýsıa kúnine arnalǵan saltanatty is-sharada Almaty oblysy Tótenshe jaǵdaılar departamenti jáne órt sóndirý qyzmeti jeke quramynyń saltanatty sabynyń aldynda "Sýǵa batqandardy qutqarǵany úshin" medalimen marapattaldy.
Esterińizge sala keteıik, onyń erligi týraly bloger Aleksandr Soıdyń Instagram paraqshasynda jarıalandy.
Osy jyldyń 17 shildesinde Aleksandr demalys aımaǵynda balalarymen jáne nemerelerimen demalysta bolǵan sátinde sýǵa batyp bara jatqan qyzdardy qutqardy.
Onyń qamqorlyǵynyń arqasynda qyzdardyń ómiri qutqaryldy. Jaqsy ister eshqashan marapattalýdan jáne nazardan tys qalmaý kerek.