Qaıyrymdylyq sharasy
Naýryz meıramyna oraı Qapshaǵaıǵa qarasty Qosqudyq aýylynda báıge ótti. Oǵan elimizdiń birneshe óńirinen kelgen báıge jylqylar qatysty, Almaty-akshamy.kz Baq.kz saıtyna silteme jasap.
Qapshaǵaıda Naýryz meıramyn toılaý barysynda Sheńgeldi aýyldyq okrýgine qarasty Qosqudyq aýylynda «Alaman», «Top», «Taı», «Qunan» báıgeleri uıymdastyryldy.
Jarys barasynda Qapshaǵaı óńiriniń ákimi Nurlan Orynbasaruly sóz alyp, halyqty Áz-Naýryz merekesimen quttyqtap, atbegilerge sáttilik tiledi.
Sonymen birge, aýyl aqsaqaldary saıys bastalar aldynda báıgege qatysýshalyrǵa jyly lebizderin bildirip, aq batasyn berdi.
Ákimniń aıtýynsha, báıgeniń ótkizýge óńirdiń jastary bastama kótergen.
«Bizde Jastar qoǵamy bar, solar báıge ótkizsek degen usynys jasady. Biz qoldap, syı-sıapat jaǵynan kómektestik. Sharadan túsken qarajatty Jastar qoǵamy qaıyrymdylyq qoryna aýdarsaq degen oılaryn aıtty, ol jaǵyn ózderi sheshe jatar. Degenmen, olar az qamtylǵan 1-2 otbasyna baspana salyp beremiz dep otyr, biz ony qoldaımyz, óz tarapymyzdan shamamyz kelgenshe kómektesemiz»,-dedi Nurlan Orynbasaruly.
Jalpy, respýblıka deńgeıinde ótken báıgege elimizdiń Almaty, Shyǵys Qazaqstan, Abaı, Jambyl, Qaraǵandy oblystarynan jáne Almaty, Taldyqorǵan qalalarynyń atbegileri qatysty.
Sonyń ishindegi 25 shaqyrymdyq alamanǵa - 50 sáıgúlek, 15 shaqyrymdyq top báıgesine – 40, 8 shaqyrymdyq qunan báıgesine - 50, 4 shaqyrymdyq taı jarysyna – 30 sáıgúlik shabysqa jiberilgen.
Jalpy esep boıynsha 100-den astam tulpar baq synasyp, nátıjesinde top báıgeden – Batys Qazaqstan oblysy, qunan báıgesinen - Eskeldi aýdany, taı báıgeden – Jambyl aýdany júldeli oryndarǵa ıe bolsa, al alaman báıgede Qordaı aýdany bas júldeni jeńip alyp, tigilgen «Lada Granta» avtokóligin qanjyǵasyna baılady.