Búgin ulystyń Uly kúni – Naýryz merekesine oraı oblystyq din isteri basqarmasynyń uıymdastyrýymen dinı birlestik ókilderi arasynda «Dástúrimiz jańǵyrǵan» shyǵarmashylyq baıqaýy ótip, Aqtóbe oblystyq ortalyq «Nur Ǵasyr» meshiti jeńimpaz atandy,- Almaty-akshamy.kz.
Qazaq halqynyń dástúrin din ókilderi arasynda nasıhattap, bolashaq jastarǵa dáripteý maqsatynda ótken is-sharada oblystyq din isteri basqarmasynyń basshysy Álimbek Turalıev sóz sóılep, naýryz merekesimen quttyqtady.
Sharaǵa «Ómir bulaǵy» QB, «Krısha qoǵamynyń sanasy» QB, «Nadejda» Aqtóbe evangeldik hrıstıan-baptıster shirkeýi» QB qatysty.
Shyǵarmashylyq baıqaý ár dinı birlestik ózin tanystyrýdan, salt-dástúr týraly kórinis jáne «Ulttyq taǵamdar» aýksıony týraly İİİ bólimnen turdy.
Doda barysynda dinı birlestik ókilderi qazaq halqynyń betashar, besik salý, qyz uzatý t.b salt-dástúrlerdi qoıylym retinde kórsetti. Sonymen qatar «Ulttyq taǵamdar aýksıony» bóliminde qatysýshylar árbir ulttyq taǵamnyń jasaý tehnıkalaryn túsindirip ótti.
Shyǵarmashylyq baıqaýdyń tanystyrý bóliminde «Nur Ǵasyr» meshitiniń baspasóz hatshysy, jýrnalıs Aqtolqyn Orysbaıqyzy din men salt-dástúr egiz uǵym ekendiginde toqtalyp, QMDB bekitken 2022 jyl – Islam – yntymaq jáne birlik dini jyly ekendiginde atap ótti. Sonymen qatar dinder arasyndaǵy tatýlyq máselesinede toqtaldy. Búgingi tańda Aqtóbe oblysy boıynsha ókildiginde salt-dástúr men din taqyrybyndaǵy atqarylyp jatqan is-sharalardyń mańyzdylyǵyn aıtty.
Al kórinis bóliminde oblystyq ortalyq meshittiń ustazy Ardaq Baǵdalqyzynyń jetekshiligimen meshittegi «Ájeler» mektebiniń belsendi músheleri jáne shákirtterdiń qatysýymen «Betashar» rásimi qoıyldy.
Odan ózge úshinshi bóliminde qazaq halqynyń ulttyq et taǵamdarynyń biri – qazaqsha et asylyp, bizdiń halqymyzdyń qurmetti kisilerge usynatyn kádeli, ári orny bólek taǵamdarynyń eń bastysy – qazaqsha et ekendigi túsindirildi. Sonymen qatar naýryz kóje usynylyp, qalaı daıyndalatyndyǵy týraly baıandady. Odan ózgede ulttyq tamaq túrlerin kórsetip, tanystyryldy.
Baıqaý qortyndysynda ádilqazylardyń sheshimi boıynsha «Nur Ǵasyr» meshiti úzdik dep tanylyp, İ orynmen marapattaldy. Al «Ómir bulaǵy» İİ oryn, «Krıshna qoǵamynyń sanasy» İİİ oryn, «Nadejda» dinı birlestigi «Belsendilik tanytqany úshin» nomınasıasyn ıelendi.