Olardyń barlyǵy Almaty qalasynyń turǵyndary
Almaty oblysynda synǵan muz ústinde qalyp qoıǵan 12 balyqshy qutqaryldy, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
«5 naýryz kúni saǵat 15.44-te Almaty oblysy TJD kezekshi bóliminiń púltine Qapshaǵaı sý qoımasyndaǵy «Golýboı zalıv» qumdy jaǵajaı aýdanynda muz jarylyp, synǵan muz kesegi jaǵadan alystap bara jatqany týraly habarlama tústi. Muzdyń synǵan bóliginde (muzdyń qalyńdyǵy shamamen 15 sm, syrtqy aýa temperatýrasy +130) 12 adam qalǵan. Oqıǵa ornyna dereý Qonaev qalasyndaǵy jedel qutqarý jasaǵynyń qyzmetkerleri jiberildi», - delingen habarlamada.
Málim etilgendeı, shaqyrý ornyna jetken qutqarýshylar balyqshylar jaǵadan 30 metr jerge alystap ketkenin kórgen.
«TJD qutqarýshylary muzdyń synǵan bóligindegi barlyq balyqshyny júzý quraldarynyń kómegimen jaǵaǵa evakýasıalady. Adamdar qutqarýshylarǵa alǵysyn bildirdi. Medısınalyq kómek qajet bolmady. Olardyń barlyǵy Almaty qalasynyń turǵyndary», - delingen vedomstvo málimetinde.
Mınıstrlik ókilderi temperatýranyń joǵarylaýyna jáne jeldiń kúsheıýine baılanysty qazirgi ýaqytta muzǵa shyǵý qaýipti ekenin eskertti.