DNQ «ýaqyt kapsýlasy» retinde paıdalanylady
AQSH-tyń burynǵy tórt prezıdentiniń DNQ-sy 2023 jylǵa josparlanǵan mısıa aıasynda ǵaryshqa jiberiledi, dep habarlaıdy Almaty-akshamy.kz QazAqparatqa silteme jasap.
Jerleý rásimderimen aınalysatyn Amerıkanyń Celestis kompanıasy ashyq ǵaryshqa AQSH-tyń burynǵy prezıdentteri, naqtyraq aıtqanda Djordj Vashıngton, Dýaıt Eızenhaýer, Djon Kennedı men Ronald Reıgannyń genetıkalyq aqparattaryn Vulcan zymyranynyń kómegimen jiberýdi josparlap otyr.
DNQ «ýaqyt kapsýlasy» retinde paıdalanylyp, bolashaq órkenıetke qazirgi zamannyń bıologıasy men tarıhyn zertteýge múmkindik beredi dep kútilýde. DNQ-lar prezıdentterdiń shash úlgileri saqtalǵan Lýı Mýshronyń (2014 jyly qaıtys bolǵan) koleksıasynan alyndy. Ol tanymal adamdardyń shashyn jınaıtyn ataqty koleksıa jınaýshy bolatyn, dep jazdy Space.com saıty.
Aq úıdiń eks-basshylarynyń shashtarynan bólek, «kapsýlamen» Star Trek (Juldyzdy jol) serıalynda jumys istegen birneshe komanda múshesiniń DNQ-sy jiberiledi. Erekshe mısıa týraly 20 aqpan, AQSH-taǵy Prezıdent kúni belgili boldy.
Celestis-tiń tarıhtaǵy alǵashqy korporatıvti ushyrylymynyń uzyndyǵy 150-den 300 mıllıon shaqyrymǵa deıin jetip, Jer-Aı júıesinen asyp, tereń ǵaryshqa enetini josparlanǵan.
Zymyrannyń ushatyn kúni áli jarıalanǵan joq.