Qyz jaǵadan 150 metr qashyqtyqqa ketip qalǵan
Boıjetken jaǵadan 150 metr jerde sýǵa bata bastaǵan, dep habarlaıdy Almaty-akshamy.kz.
2022 jylǵy 25 shildede saǵat 19.45-te Almaty oblysy TJD Qonaev óńiriniń Jedel-qutqarý jasaǵynyń qutqarýshylary Qapshaǵaı sý qoımasynda batyp bara jatqan qyzdy qutqardy.
«№7 qalalyq jaǵajaı mańynda patrúldeý kezinde, jaǵadan 150 metr qashyqtyqta shomylý kezinde, tereńdikke túsip bata bastaǵan, 2007 jyly týǵan qyz bala qutqaryldy. Qutqarylǵan qyz jaǵaǵa jetkizilip, ata-anasyna tapsyryldy»,-delingen oblystyq TJD taratqan málimette.
Qutqarýshylar qyzdyń ata-anasymen jáne basqa da demalýshylarmen sýdaǵy qaýipsizdikti saqtaý boıynsha túsindirme áńgimesi júrgizdi.