1 259 tabeldik qarý urlanǵan.
Bas prokýratýranyń Qylmystyq qýdalaý qyzmeti bastyǵynyń orynbasary Eldos Qılymjanov osylaı dedi, dep habarlaıdy Almaty-akshamy.kz
Quqyq qorǵaý organdary ǵımarattaryna shabýyldaý nátıjesinde 1 259 tabeldik qarý urlandy, sonyń ishinde avtomattar, tapanshalar men granatomettar boldy.
Atap aıtqanda, Almaty oblysynda polısıa departamenti ǵımaratynan 53 avtomat, 367 tapansha, 1 granatomet, sondaı-aq 23 myńnan astam patrondar urlandy.
«Jambyl oblysynda 200 avtomat, 148 tapansha, 11 granatomet, bir pýlemet jáne 40 myńǵa jýyq patron qoldy boldy. Rezıdensıada qıratýlardan keıin 130 dana qarý men oq-dárilerdiń jetispeýshiligi anyqtaldy, onyń ishinde 80 granata, 17 tapansha, 11 avtomat, 21 granatomet jáne snaıper myltyǵy. Barlyq bul faktiler boıynsha tergep-tekserýler júrýde. Udaıy qarý-jaraq qoımalary tabylyp, olarǵa qatysy bar adamdar anyqtalýda. Qazirgi ýaqytta 481 birlik qarý tabyldy. Bul - barlyq urlanǵan qarýdyń úshten biri. Qalǵandary qylmyskerlerdiń qolynda», - dedi spıker.