Almatyda urlanǵan qarýdy polıseıler Jetisý oblysyndaǵy zırattyń mańynan tapty, dep habarlaıdy Almaty-akshamy.kz Inbusiness.kz-ke silteme jasap.
Polısıa qyzmetkerleriniń málimetinshe, qarashanyń 11-i kúni Jetisý oblysy İİD Uıymdasqan qylmysqa qarsy kúres basqarmasynyń jedel qyzmetkerleri İİD-niń kómegimen Kóksý aýdanyndaǵy Muqyry asýy mańynda jasyrylǵan qarý qoımasyn anyqtady.
Atap aıtqanda, ol jerden eki oıyq uńǵyly qarý men ártúrli qarý-jaraqtyń 300-den asa oq-dárisi, sondaı-aq oq ótkizbeıtin keýdesheler tabyldy. Arnaıy málimetter bazasyn teksere kele, tabylǵan karabınder men oq-dárilerdiń qańtar oqıǵasy kezinde Almatydaǵy qarý satatyn dúkenderdiń birinen urlanǵany anyqtaldy.
Atalǵan fakti boıynsha Qazaqstan Respýblıkasy Qylmystyq kodeksiniń 287-babynyń 3-bóligi ("Qarýdy, oq-dárilerdi zańsyz alý, berý, ótkizý, saqtaý, tasymaldaý nemese alyp júrý") boıynsha qylmystyq is qozǵaldy. Tergeý oblystyq tergeý basqarmasynyń óndirisinde. Qazir tárkilengen qarý saraptamaǵa jiberildi.