İM polısıa qyzmetkerleri sıntetıkalyq esirtki satty dep aıyptalǵan vıdeoǵa qatysty pikir bildirdi, dep habarlaıdy Almaty-akshamy.kz Almaty.tv-ge silteme jasap.
İİM málimetinshe, Aqsý qalasynyń 26 jastaǵy turǵynynyń ótinishi boıynsha Pavlodar oblysynyń Polısıa departamenti Qazaqstan Respýblıkasy "bopsalaý" boıynsha sotaldy tergeý júrgizip jatyr.
Buǵan deıin jelide jábirlenýshiniń polısıa qyzmetkerlerin, ózimen birge esirtki quraldaryn satty dep aıyptaǵan vıdeosy taraǵan bolatyn.
"11.11.2022 jyly jábirlenýshi ózi polısıaǵa kelip, burynǵy tanystarynyń budan aqsha bopsalap, oǵan tıesili avtokólikti alyp qoıǵanyn jáne ony bopsalaý maqsatynda polısıa qyzmetkerlerine qatysty beıne jazýǵa májbúr etkeni týraly aryzben júgindi. Ol tanystarynyń talabyn oryndaýdan bas tartqan kezde, olar vıdeony jarıalap jibergen", - deıdi Pavlodar oblysy Polısıa departamenti Tergeý basqarmasynyń bastyǵy Berik Oralov.
Osy qylmysty jasady degen kúdikpen Aqsý qalasynyń jumyssyz turǵyndary (1989, 1994, 1995 jyly týǵan) anyqtalyp, ustalǵan. Olar Pavlodar qalasynyń ÝUI-ǵa qamaýǵa alynǵan. Nátıje boıynsha árbir qatysýshynyń is-áreketine quqyqtyq baǵa beriledi.