Qańtar oqıǵasy kezinde Almaty qalasyndaǵy jappaı tártipsizdikterge 12 uıymdasqan qylmystyq top qatysqan - Bas prokýratýra
QR Bas prokýratýrasynyń 1 qyzmet bastyǵynyń orynbasary Eldos Qılymjanov qańtar oqıǵasynda Almatyda qaza tapqan snaıperdiń kim ekeni aıtty, dep habarlaıdy Almaty-akshamy.kz QazAqparatqa silteme jasap.
«5 qańtar kúni Atyraý oblysynda qylmyskerler polısıa qyzmetkerleri men áskerılerge qatysty zorlyq-zombylyq kórsetý arqyly ákimdik ǵımaratyn qıratty. Polısıa qyzmetkerleriniń kópshiligi aýyr dene jaraqattaryn alsa da, sońyna deıin qarýdy qoldanǵan joq. Birneshe ret aýaǵa atyp, adam ómirine qaýip tóngen soń polısıa qyzmetkerleri qarýdy qoldandy. Nátıjesinde bir snaıper qaza boldy», - dedi ol Ortalyq komýnıkasıalar qyzmetinde ótken brıfıńide.
Sondaı-aq tártipsizdikter kezinde oq atqan kúdiktiler týraly málimet aıtty.
«Anaıy prokýrorlar júrgizilgen sot molekýlárlyq genetıkalyq saraptama nátıjelerimen Almaty qalasynda qaza tapqan snaıperdiń jeke basy anyqtaldy. Barlyǵy 4 oq atýshy boldy. Qaza tapqannyń denesin jaqtastary ózderimen birge alyp, qalalyq aýrýhana mańynda qaldyryp ketken. Keıin ol qalalyq máıithanada anyqtaldy. Ol «S» esimdi azamat bolyp shyqty. «Qaıǵyly qańtar» oqıǵalary kezinde ol turǵyn úıdiń tóbesinde ornalasyp, Almaty qalasy polısıa departamentiniń qyzmetkerlerin kózdep oq atqan. Qazirgi tańda qalǵan 3 terrorısti anyqtaý boıynsha jedel izdestirý sharalary júrgizilýde», - dedi Eldos Qılymjanov.