Qańtar oqıǵasy jalpy, Táýelsiz Qazaqstan tarıhyndaǵy eń aýyr, qandy oqıǵa bolǵany belgili. Ashý-yzaǵa býlyqqan jastarymyz mıllıondaǵan qarapaı̆ym halyqtyń turmysyndaǵy ádiletsizdik negizinde paı̆da bolǵan taýqymetterge qarsy kóshege shyqty. Jumysy joq, jaǵdaı̆y joq jastar ádiletsizdiktiń qurbany boldy. Ókinishke oraı̆, osy tusta qylmyskerler men dısskrýtıvti dinı uǵym ókilderi Qazaqstanda bılikti tóńkerip, qolǵa almaq bolǵan kúshter jastardy paı̆dalanyp ketti. Áleýmettik máseleler jastardy saıası maı̆danǵa qaraı̆ baǵyttap jiberdi. Sóı̆tip, olardyń aldyna shyǵyp, urandap, tonaýǵa, urlaýǵa, memlekettik mekemelerdi qıratýǵa qaraı̆ buryp áketti. Sonyń nátıjesinde qozǵalysqa qatysqan jastar sol qylmystyq toptyń, saıası maqsatty kóz- degen toptardyń qurbanyna aı̆nalyp shyǵa keldi.
Bul, árıne, óte ókinishti jaǵdaı̆ boldy. Minekı, budan qandaı̆ qorytyndy shyǵaramyz? Baı̆yrǵy babamyzdyń «Ashý dushpan, aqyl dos» degen sózin alǵa tartqym keledi. Ashý ústinde istelgen áreket esh ýaqytta ádiletke jetkizbeı̆di. Óı̆tkeni, adam ashý ústinde túrli qylmysqa barady. Almatydaǵy memlekettik mekemelerdi talqandaý keshirilmes qylmysqa aı̆naldy. Ony talqandaǵanda ne uttyq? Ne paı̆da tústi? Aı̆nalyp kelgende ózimizdiń memleketimizdi álsirettik. Talqandaý arqyly ekonomıkamyzdy belgili bir deńgeı̆ge shegerdik. Al ekonomıka bolmasa, memleket bolmasa, halyqtyń ne keregi bolady. Ol halyq pen memleket bir uǵym. Memleketti qıratsań halyq, halyqty qyrsań memleket qurıdy.
Minekı, osyndaı̆ ókinishti oqıǵadan soń bul oqıǵaǵa jalpy halyq bolyp, Qazaqstan bıligi bolyp baǵa berip jatyrmyz. Keshe talqandalǵan, órtengen Almaty qalasy ákimshiliginiń aldyna Qańtar oqıǵasyna arnalǵan «Taǵzym» degen aleıa ashyldy. Óz basym buǵan rıza bolyp otyrmyn. Óı̆tkeni, mundaı̆ qandy oqıǵanyń izi tarıhta qalýy kerek. Qandy qyrǵynda adam shyǵyny kóp boldy. Sondyqtan «Taǵzym» aleıasy qurbandarǵa qoı̆ylǵan halyqtyń eske alýy boldy dep oı̆laı̆myn. Endi eshqashan qańtar oqıǵasy qaı̆talanbaǵaı̆, aǵaı̆yn! Óı̆tkeni, qańtarda atylǵan oq memleketke, bárimizdiń júregimizge tıgen oq boldy.
Mine, basshymyz bop, qosshymyz bop Ádiletti Qazaqstan qurýǵa bet aldyq. Ádiletti Qazaqstan – bizdiń, bizdiń bala-shaǵamyzdyń bolashaǵy. Barshamyz Ádiletti Qazaqstannyń qalyptasýyna bir atanyń balasyndaı̆ atsalysaı̆yq!